ჯასტინ ბიბერმა თავის სიმღერებზე უფლებები 200-მილიონ დოლარად გაყიდა
კანადელმა მომღერალმა, ჯასტინ ბიბერმა თავის მუსიკაზე უფლებები Hipgnosis Songs Capital-ს 200-მილიონ დოლარად მიჰყიდა. ეს იმას ნიშნავს, რომ შესაბამისი სიმღერებიდან შემოსავალს ამიერიდან აღნიშნული კომპანია მიიღებს.
ფირმა ახლა პოპ-ვარსკვლავის ბოლო წლების თითქმის ყველა დიდ ჰიტს ფლობს, მათ შორის "Baby"-ს და "Sorry"-ს.
სიმღერების კატალოგი, რომელზეც მომღერალმა უფლებები გაყიდა, მოიცავს ყველა სიმღერას, რომელიც 2021 წლის 31 დეკემბრამდეა გამოსული.
თავად Hipgnosis ოფიციალურად არ აქვეყნებს გარიგების პირობებს, მაგრამ წყარომ სააგენტო AFP-ს განუცხადა, რომ საუბარია დაახლოებით 200-მილიონ დოლარზე.
ბოლო პერიოდში, არტისტებში მოხშირდა თავიანთი მუსიკალური უფლებების გაყიდვა, მათ შორისაა შაკირა და ჯასტინ ტიმბერლეიკი. ორივე მათგანმა Hipgnosis-თან დადო გარიგება.
წყარო: bbc
მოამზადა: ანა სიბოშვილმა