პიკეს საპასუხო ნაბიჯი შაკირას შურისძიებაზე - ფეხბურთელმა ახალ შეყვარებულთან ერთად გადაღებული ფოტო გამოაქვეყნა
პიკესა და შაკირას თემა აქტუალობას არ კარგავს. ამჯერად ფეხბურთელმა ახალ შეყვარებულთან კლარა ჩია მარტისთან ერთად გადაღებული ფოტო "ინსტაგრამზე“ გამოაქვეყნა.
ეს არის პირველი შემთხვევა, როცა პიკემ მასთან ერთად გადაღებული სურათი სოციალურ ქსელში გაუზიარა გამომწერებს.
მისი ამგვარი ქმედება კი საზოგადოებამ აღიქვა, როგორც პასუხი, ყოფილი პარტნიორის ცნობილ სიმღერაზე, რომლის საშუალებითაც შაკირამ პიკე "მიწასთან გაასწორა.“
კლარა სწორედ ის ქალია, რომლის შესახებაც შაკირა სიმღერაში ამბობს "ფერარი ტვინგოზე გაცვალე, ხოლო როლექსი კასიოზე."
შაკირასა და პიკეს დაშორების საგა უკვე კვირებია მედიის განხილვის საგანია. შაკირამ დაშორების გადაწყვეტილება მას შემდეგ მიიღო, რაც აღმოაჩინა, რომ ფეხბურთელი ღალატობდა და საყვარელი ქალი შინ მაშინ მიჰყავდა, როცა შაკირა და ბავშვები სახლში არ იყვნენ.
გამოცემა Pagesix-ის ცნობით, შაკირამ პიკე ჯემის ქილის წყალობით "გამოიჭირა."
მომღერალმა, რომელმაც 10 წელზე მეტი დრო გაატარა პიკესთან და ორი ვაჟი ჰყავს მისგან, კარგად იცოდა, რომ შვილებსაც და მათ მამასაც სძულთ ჯემი. როგორც Page Six იტყობინება, მოგზაურობიდან სახლში დაბრუნებულ შაკირას ჯემის ქილა ცარიელი დახვდა და სწორედ ამან გაუჩინა ეჭვი.
როგორც დასავლური ტაბლოიდები წერენ, ამის შემდეგ შაკირა უფრო მეტად აკვირდებოდა ქმრის ქცევებს და საბოლოოდ, აღმოაჩინა, რომ როცა სახლში არ იყო, პიკეს ახალი შეყვარებული მიჰყავდა.