თაკო ჩარკვიანმა პირდაპირ ეთერში სააკაშვილის წერილი წაიკითხა - "სიტუაცია მართლაც დამიმძიმდა, მაგრამ ჩემს ჯანმრთელობაზე მეტად იმაზე ვდარდობ, რომ..."
ჩამოდის პრეზიდენტი და უცებ აღმოჩნდა აბსოლუტურად მიტოვებული, ნაღალატევია, ე.ი. ღია ღალატი იყო, - ამის შესახებ პარტია „კანონი და სამართლის“ ლიდერმა, თაკო ჩარკვიანმა „პალიტრანიუსის“ გადაცემა „დღის ნიუსრუმში“ საქართველოს მესამე პრეზიდენტის, მიხეილ სააკაშვილის საქართველოში ჩამოსვლის შესახებ საუბრისას განაცხადა.
მისი თქმით, დიდი შანსია, რომ მიხეილ სააკაშვილის ჩამოსვლა დაგეგმეს რუსეთის ჩანერგილმა აგენტებმა.
"ის, რომ მიხეილ სააკაშვილი უნდა ჩამოსულიყო საქართველოში, ჩვენ მხოლოდ მაშინ ვთქვით, როცა მიშამ თქვა, რომ მე ჩამოვდივარ, ეს ძალიან მნიშვნელოვანი დეტალია. როცა მან თქვა, რა თქმა უნდა, ჩვენ ვიფიქრეთ, რომ ის მზად არის ამ ყველაფრისთვის, მაგრამ იქ ვინ მუშაობდა, უკრაინაში ვინ მუშაობდა, ვის ჰქონდა ურთიერთობა?
საერთოდ მე მიმაჩნია, რომ ძვირი დაუჯდა, თორემ ისტორიულად უმაგრესი ნაბიჯი გადადგა. მე არ მომწონს, როდესაც ამბობენ, რომ შეცდომა მოუვიდა, არაფერი შეცდომა არ მოსვლია.
დიდი შანსია, რომ მიხეილ სააკაშვილის ჩამოსვლა დაგეგმეს რუსეთის ჩანერგილმა აგენტებმა, მაგრამ კიდევ ვიმეორებ, ურთიერთობა მასთან ადამიანებს ჰქონდათ უკრაინაში, იქ იგეგმებოდა და ამას ვერ ასცდება ვერავინ, მისი გარემოცვა ვიღაც. ფაქტია, რომ მიხეილ სააკაშვილი რომ ჩამოვიდა, არაჩვეულებრივი კაცი იყო ის მძღოლი, მაგრამ მასთან არ უნდა აღმოჩენილიყო. ჩამოდის პრეზიდენტი და უცებ აღმოჩნდა აბსოლუტურად მიტოვებული, ნაღალატევია, ე.ი. ღია ღალატი იყო“, - განაცხადა თაკო ჩარკვიანმა.
მან პირდაპირ ეთერში ექსპრეზიდენტის წერილიც წაიკითხა, რომელიც მას რამდენიმე თვის წინ მიწერა.
"ეს არის ერთ-ერთი წერილი, სადაც წერს - არასოდეს დავიღლები მადლობის თქმით. სიტუაცია მართლაც დამიმძიმდა, მაგრამ ჩემს ჯანმრთელობაზე მეტად იმაზე ვდარდობ, რომ ყველა გაქცევაზეა ქვეყნიდან და 2023 წელს ახალგაზრდების ნახევარი აქ არ იქნება. რაღაც უნდა ვიღონოთ. ეს ბოლო წერილია, რამდენიმე თვის წინანდელია" - აღნიშნა ჩარკვიანმა.