"ზელენსკი ბუნკერში იყო... მე ვკითხე პუტინს: "შენ აპირებ მის მოკვლას?“ - რა უპასუხა ნაფტალი ბენეტის ვლადიმერ პუტინმა: ისრაელის ყოფილი პრემიერი მოლაპარაკების უცნობ დეტალებზე

ისრაელის ყოფილი პრემიერ-მინისტრის, ნაფტალი ბენეტის თქმით, რუსეთის პრეზიდენტმა ვლადიმერ პუტინმა ის დაარწმუნა, რომ არ მოკლავდა უკრაინის პრეზიდენტს, ვოლოდიმირ ზელენსკის. ბენეტი ამბობს, რომ ეს გააკეთა ომის საწყის ეტაპზე, როდესაც ის მედიაციის მიზნით, რუსეთში ჩავიდა.

ბენეტიმ გაიხსენა 2022 წლის 5 მარტს გამართული შეხვედრა.

"ვიცოდი, რომ ზელენსკი ბუნკერში იყო და ემუქრებოდნენ... მე ვკითხე მას (პუტინს): "შენ აპირებ ზელენსკის მოკვლას?“

მან მიპასუხა, - "მე არ მოვკლავ ზელენსკის“, - იხსენებს ისრაელის ყოფილი პრემიერი ჟურნალისტ ჰანოხ დაუმთან ინტერვიუში, რომელიც Youtube-ზე, ბენეტის ოფიციალურ არხზე გამოქვეყნდა.

მისივე თქმით, პუტინს ასე მიმართა - "სიტყვას მაძლევ, რომ არ მოკლავ ზელენსკის?“, პუტინმა კი უპასუხა - "მე არ მოვკლავ ზელენსკის.“

ისრაელის ყოფილი პრემიერის თქმით, პუტინთან შეხვედრის შემდეგ, მან დაურეკა უკრაინის პრეზიდენტს და უთხრა: "მე ახლახან გამოვედი შეხვედრიდან, ის შენს მოკვლას არ აპირებს. მან მკითხა: "დარწმუნებული ხარ?“ მე ვუთხარი, - "100 პროცენტით, ის არ აპირებს შენს მოკვლას."

ორი საათის შემდეგ ზელენსკი თავის კაბინეტში მივიდა, გადაიღო სელფი და თქვა "მე არ მეშინია.“ ყველაფერი რაც მე გავაკეთე მოლაპარაკების დროს, შეთანხმებული იყო აშშ-სთან“ - ამბობს ბენეტი.

წყარო: timesofisrael.com