თურქეთში ძლიერი, 7.7 მაგნიტუდის სიმძლავრის მიწისძვრა მოხდა - ბიძგები საქართველოშიც იგრძნობოდა: სად იყო ეპიცენტრი
თურქეთში ძლიერი, 7.7 მაგნიტუდის სიმძლავრის მიწისძვრა მოხდა. ამის შესახებ ინფორმაციას "დედამიწის შემსწავლელ მეცნიერებათა ინსტიტუტის" ხელმძღვანელი თეა გოდოლაძე სოციალურ ქსელში ავრცელებს. მისი ინფორმაციით, ეპიცენტრი ქალაქი გაზიანტეპიაა.
"თურქეთში ძლიერი მიწისძვრაა - 7.7 მაგნიტუდა. სირიის საზღვართან. ქალაქი გაზიანტეპია ეპიცენტრი" - წერს გოდოლაძე.
სოციალურ ქსელში წერენ, რომ ბიძგები საქართველოშიც იგრძნობოდა, განსაკუთრებით ძლიერად კი ბათუმში.
ჯერჯერობით მიწისძვრით გამოწვეული ზარალის შესახებ ცნობები არ გავრცელებულა.