თურქეთსა და სირიაში მიწისძვრის შედეგად დაღუპულთა რაოდენობამ 1 500-ს გადააჭარბა

თურქეთსა და სირიაში 7.8 მაგნიტუდის სიმძლავრის მიწისძვრის შედეგად დაღუპულთა რიცხვმა 1504-ს მიაღწია, - ინფორმაციას CNN-ი ოფიციალურ პირებზე დაყრდნობით ავრცელებს.

ტელეკომპანიის ცნობით, დაშავდა ათასობით ადამიანი.

სირიის სახელმწიფო საინფორმაციო სააგენტო SANA-ს ცნობით, სირიაში სულ მცირე 592 ადამიანი დაიღუპა, მათ შორის ძირითადად ალეპოს, ჰამას, ლატაკიასა და ტარტუსის რეგიონებში.

თურქეთსა და სირიაში მაშველები დანგრეული შენობების ნანგრევებში ადამიანების ძებნას განაგრძობენ.

ნატო-მ, ევროკავშირმა და კიდევ 45 ქვეყანამ კატასტროფის შედეგებთან გამკლავების მიზნით დახმარებისთვის მზადყოფნა გამოხატეს.

ასევე იხილეთ:

• თურქეთში მომხდარ დამანგრეველ მიწისძვრას საქართველოს მოქალაქე ემსხვერპლა: რას აცხადებენ საგარეო საქმეთა სამინისტროში