თენგიზ ცერცვაძის ინფორმაციით, სახელმწიფო C ჰეპატიტის ელიმინაციის პროგრამის შემდეგ B ჰეპატიტის პროგრამასაც იწყებს
ინფექციური საავადმყოფოს დირექტორის თენგიზ ცერცვაძის ინფორმაციით, მიმდინარე წელს საქართველოში B ჰეპატიტის ელიმინაციის ახალი პროგრამის დაწყება იგეგმება. ამის შესახებ მან "ინტერპრესნიუსთან" ინტერვიუში განაცხადა.
"რაც შეეხება დარგობრივ ე.წ. ვერტიკალურ პროგრამებს, აქაც მაღალი აქტივობაა. საკმარისია ჩამოვთვალოთ C ჰეპატიტის ელიმინაციის უნიკალური და უაღრესად წარმატებული პროგრამა, ასევე აივ ინფექცია/შიდსთან, ტუბერკულოზთან ბრძოლის პროგრამები და სხვ. 2023 წელს დაგეგმილია B ჰეპატიტის ელიმინაციის ახალი პროგრამის დაწყება. საქართველოს აქვს რეალური შესაძლებლობა გახდეს მსოფლიოში პირველი ქვეყანა, რომელიც 2025 წლისთვის დაძლევს 21-ე საუკუნის ორ მთავარ ეპიდემიას: C ჰეპატიტს და აივ ინფექცია/შიდსს, ხოლო 2030 წლისთვის - B ჰეპატიტის ეპიდემიას." - განაცხადა ცერცვაძემ.
ასევე იხილეთ: