უელსის პრინცესას განუმეორებელი სტილი - ქეით მიდლტონი BAFTA-ს წითელ ხალიჩაზე 29-დოლარიანი საყურით გამოცხადდა

უელსის პრინცესა, ქეით მიდლტონი კვირა საღამოს BAFTA-ს დაჯილდოებაზე ჩვეული ელეგანტური იმიჯით გამოცხადდა. ამჯერადაც, პრინცესას ჩაცმულობა ეკონომიური იყო: ქეითს Alexander McQueen-ის განახლებული კაბა ემოსა და Zara-ს 29-დოლარიანი საყურეები ეკეთა, რაც სწრაფად მოექცა მედიის ყურადღების ცენტრში. არავის გამოჰპარვია, რომ მას იგივე თეთრი საღამოს კაბა 2019 წლის დაჯილდოებაზეც ეცვა, თუმცა ამჯერად, დიზაინერის სამოსს მხრის დიზაინი შეუცვალა და შავი ხელთათმანები შეუხამა.

ბრიტანულ ცერემონიაზე ის მეუღლესთან, პრინც უილიამთან ერთად მივიდა. სამი წლის შემდეგ წყვილი პირველად გამოჩნდა ყოველწლიურ დაჯილდოებაზე. პრინცესა ვარსკვლავებს შორის ერთ-ერთი იყო, რომელმაც შავ-თეთრ სამოსზე გააკეთა არჩევანი, რათა გარდაცვლილი დედოფლისთვის მიეგო პატივი.

უილიამი, რომელიც 2010 წლიდან ბრიტანეთის კინოსა და სატელევიზიო ხელოვნების აკადემიის პრეზიდენტია, ხავერდის სმოკინგსა და კლასიკურ თეთრ პერანგში იყო გამოწყობილი.

თავად უელსის პრინცესა ხშირად უხამებს დიზაინერების ძვირადღირებულ ტანისამოსს შედარებით იაფფასიან აქსესუარებს და ის ხშირად ჩნდება წარსულში უკვე ნაცვამი კაბებით, რაც გარემოზე ზრუნვის სურვილის დამსახურებაა.

წყარო: cnn

მოამზადა: ანა სიბოშვილმა