"აშშ საქართველოში სახელმწიფო გადატრიალების მოწყობას შეეცდება" - ინალ არძინბა
ოკუპირებული აფხაზეთის ე,წ, საგარეო საქმეთა მინისტრი ინალ არძინბა ამბობს, რომ მიმდინარე წლის მარტში ამერიკელები საქართველოში სახელმწიფო გადატრიალების მოწყობას შეეცდებიან. ინფორმაციას აფხაზეთის ე.წ. საგარეო უწყების მედიაცენტრი ავრცელებს.
როგორც გამოქვეყნებულ განცხადებაშია აღნიშნული, ინალ არინბა მიიჩნევს, რომ აშშ-ის მთავარი მიზანი "მეორე ფრონტის“ გახსნაა.
აღსანიშნავია, რომ აქამდე არძინბამ თქვა, რომ "საქართველოსთან ომის ალბათობა საკმაოდ მაღალია."
ამასთან, ასლან ბჟანიამ აღნიშნა, რომ "საქართველოს მოქმედ ხელისუფლებას სიტუაცია აკონტროლებს. აფხაზეთის უშიშროების საბჭოს მდივნის სერგეი შამბას განცხადებით, „საქართველოს ხელმძღვანელობა ინარჩუნებს ნეიტრალიტეტს რუსეთის მიმართ".
რამდენიმე დღის წინ ოკუპირებული აფხაზეთის ე,წ, უშიშროების საბჭოს "მდივანმა," სერგეი შამბამ ბრიფინგზე განაცხადა, რომ "ახლა დიდწილად დამოკიდებულნი არიან საქართველოს შიდა პოლიტიკურ ვითარებაზე."
"საქართველოს ამჟამინდელი ხელმძღვანელობა ინარჩუნებს ნეიტრალიტეტს რუსეთის მიმართ. უფრო მეტიც, იგი აქტიურად ეწინააღმდეგება უკრაინის ხელისუფლებისა და საკუთარი ოპოზიციის მცდელობებს, გახსნას მეორე ფრონტი რუსეთის წინააღმდეგ აფხაზეთსა და სამხრეთ ოსეთში.
თუმცა, ვინ იტყვის, რომ არსებული ზეწოლის შედეგად საქართველოს ხელმძღვანელობა არ შეიცვლება ანტირუსული რადიკალებით ან იძულებული არ იქნება, თავად გახსნას მეორე ფრონტი?" -აღნიშნა შამბამ (წაიკითხეთ ვრცლად).