"გურული დღიურების ფონდი აფუძნებს ახალ სტიპენდიას, რომელიც მარო მაყაშვილის სახელობის იქნება. პირველ სტიპენდიას სალომე კენჭიაშვილი მიიღებს" - გიორგი კეკელიძე

ეროვნული ბიბლიოთეკის ხელმძღვანელის, გიორგი კეკელიძის განცხადებით, გურული დღიურების ფონდი აფუძნებს ახალ სტიპენდიას, რომელიც იქნება საქართველოს ეროვნული გმირის, მარო მაყაშვილის სახელობის და პირველ სტიპენდიას მიიღებს სალომე კენჭიაშვილი, 7-8 მარტის აქციების ერთ-ერთი სიმბოლო.

"გურული დღიურების ფონდი აფუძნებს ახალ სტიპენდიას, რომელიც მარო მაყაშვილის სახელობის იქნება. პირველ სტიპენდიას მიიღებს სალომე კენჭიაშვილი, გოგო, რომელიც აქციის დაშლისას წყლის ჭავლზე ცეკვავდა - ტაიკვანდოს ოსტატი და კარგი მოსწავლე. ეს იქნება ჩემი მოკრძალებული თანაგანცდის ნაბიჯი მისი თაობის მიმართ და იგულისხმებს ერთი წლის მანძილზე გარკვეულ წახალისებას სწავლის მიმართულებით." - წერს გიორგი კეკელიძე "ფეისბუქში".

ასევე იხილეთ:

• "მერჩივნა, როგორც ჩემპიონი, ისე გავეცანი ხალხს..." - რას ჰყვება აქციების სიმბოლოდ ქცეული მოზარდი, რომელიც ტაეკვანდოში საქართველოს ორგზის ჩემპიონია
• "ბევრს აინტერესებდა, მე რომ 16 წლის ბავშვი წყლის ჭავლზე ვხტუნაობ, სად მყავს ამ დროს ოჯახი... თქვენ სად იყავით მაგ მომენტში?" - 7-8 მარტის აქციების სიმბოლოდ ქცეული მოზარდი