როგორ ვიპოვოთ ცხოვრების მიზანი და რატომ გადის მისი მიღწევის გზა განათლებაზე?
ცხოვრების მიზანი შეიძლება ყველა ადამიანისთვის განსხვავებული იყოს: ზოგისთვის ეს ოჯახის შექმნაა, ზოგისთვის სიმდიდრის დაგროვება, მოგზაურობა, აღმოჩენების გაკეთება და სხვა.
ადამიანთა ნაწილს კი თავისი ცხოვრების მიზანი ჯერაც არ აღმოუჩენია. „ალტე“ ლათინური სიტყვაა და უმაღლეს წერტილს, ზენიტს ნიშნავს, რაც გულისხმობს იმას, რომ ყველა ადამიანმა თავის საქმეში უნდა იზრუნოს თავისი მიზნის პოვნასა და მიღწევაზე, იქნება ეს სკოლის მოსწავლე, აბიტურიენტი, უკვე თავისი სფეროს პროფესიონალი თუ სხვა.
ცხოვრების მიზანი გაძლევს მოტივაციას, ყოველ დილით ადგე და ხალისით განაგრძო რაღაცის კეთება. ის გავლენას ახდენს ჩვენს გადაწყვეტილებებსა და ქცევებზე. სწორედ ცხოვრების მიზნის არსებობაზეა დამოკიდებული, რამდენად კმაყოფილი ხარ იმით, რასაც აკეთებ და მიიწევ თუ არა შენი ალტეს - ანუ უმაღლესი მწვერვალისკენ.
როგორ იპოვო შენი ალტე?
- განვითარება - რაც უფრო მეტ ცოდნას იღებ, უფრო უკეთესად შეგიძლია ანალიზი, მოვლენების შეფასება, უკეთ ხვდები, რა გაინტერესებს და გიტაცებს, რა განიჭებს სიამოვნებას, რის შესწავლასა თუ კეთებაში გაატარებდი მთელ ცხოვრებას.
- პირადი შეხედულებების ჩამოყალიბება - ეს საშუალებას გაძლევს, უკეთ მართო სტრესი, განსაზღვრო, რა არის შენთვის ღირებული და რა - ნაკლებად. ასევე, პირადი ღირებულებების ქონა საშუალებას გაძლევს უფრო მარტივად და სხვების ზეგავლენის გარეშე მიიღო გადაწყვეტილებები.
- მადლიერების გრძნობა - ერთ-ერთი კვლევის თანახმად, მადლიერების გრძნობა გხდის უფრო გულუხვს, გიბიძგებს სიკეთის კეთებისკენ, რაც ცხოვრების მიზნის პოვნაში გეხმარება. თავდაპირველად ნეგატიური ფიქრებიდან პოზიტიურზე გადასვლის პროცესი შეიძლება უჩვეულოდ მოგეჩვენოს და გაგიჭირდეს კიდეც, თუმცა მადლიერება იმის მიმართ, სადაც ვართ და რაც გაგვაჩნია, უკეთეს ადამიანებად გვაქცევს.
- დაბრკოლების მიზნად ქცევა - სირთულეებს ყველა აწყდება, მათი გადალახვის პროცესი კი ხან ენერგიით გვავსებს და მოტივაციას გვიღვიძებს, ხანაც ყველაფერს გვწყვეტს და ცხოვრების აზრს გვაკარგვინებს. ბევრი ადამიანი ცხოვრების მთავარ სირთულეს ცვლილებების დასაწყებად იყენებს ხოლმე, სიახლე კი ყოველთვის კარგია. ხანდახან სწორედ ასეთი ძირეული ცვლილებების დროს არის ცხოვრების მიზნის პოვნა შესაძლებელი.
- აღმოაჩინე შენი ინტერესები - რიგ შემთხვევებში მთავარი შემოსავლის წყარო სწორედ ჰობი ხდება ხოლმე. ის, რასაც ინტერესით აკეთებ და არა ვალდებულების გამო, უკეთ გამოგდის. ხანდახან პროცესში დროის მსვლელობასაც ვერ იგებ ხოლმე. დააკვირდით, რას უთმობთ ყველაზე მეტ დროს ან რას დაუთმობდით, რას კითხულობთ ან რით ხართ დაკავებული სამსახურის შემდეგ და დაფიქრდით, დრო ხომ არ მოვიდა, ამ სფეროზე უფრო მეტი შეიტყოთ.
- წაიკითხეთ - არამხატვრული წიგნები გვეხმარება, მეტი ცოდნა დავაგროვოთ და უკეთეს პროფესიონალებად ჩამოვყალიბდეთ იმ სფეროში, რომელიც გვაინტერესებს. მხატვრული ლიტერატურა კი გვიუმჯობესებს ემპათიის უნარს და კრიტიკულ და კრეატიულ აზროვნებას ავითარებს.
- მეტი დრო გაატარე ადამიანებთან, რომლებიც შთაგაგონებენ - თუ დროს ატარებთ ადამიანებთან, რომლებსაც აქვთ რაღაც მიზანი, არიან პოზიტიურები და მათგან ბევრი საინტერესო რამის მოსმენა შეიძლება, უფრო მეტ რამეს შეიტყობთ სხვადასხვა
სფეროს, მოვლენისა თუ ზოგადად ცხოვრების მიმართ. შთაგონება ყველა ჩვენგანისთვის ძალიან მნიშვნელოვანია.
თითქმის ყველაფერი, რაც ცხოვრების მიზნის პოვნაში გვეხმარება, მეტი ცოდნის მიღებას გულისხმობს, შესაბამისად, ალტეს მიღწევის გზა სწორედ განათლებასა და სწორად შერჩეულ გარემოზე გადის.
ახალი კამპანია - რა არის შენი ალტე, რომელიც ალტე უნივერსიტეტმა დაიწყო, სწორედ ცხოვრების მიზნის პოვნისა და მისი მიღწევის გზებს გულისხმობს. უნივერსიტეტში მიაჩნიათ, რომ განათლება შენი ცხოვრების მიზნის პოვნის მთავარი გასაღებია. ამასთან, ალტეში ფიქრობენ, რომ უნივერსიტეტი უნდა გაძლევდეს იმაზე მეტს, ვიდრე მხოლოდ განათლებაა, ეს არის გარემო და ურთიერთობები. მათი ერთობლიობა კი გეხმარება შექმნა შენი თავის საუკეთესო ვერსია, მიაღწიო შენი ცხოვრების უმაღლეს წერტილს, რომელიც თითოეული ჩვენგანისთვის ინდივიდუალურია.
„რაც არ უნდა იყოს შენი ალტე, მის მიღწევას ალტე უნივერსიტეტში შეძლებ,“ - გვეუბნება კამპანიის ლოზუნგი.
<iframe width="560" height="315" src="https://www.youtube.com/embed/v4rRVOOqbSc" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>R