ავტორი:

"საქართველოსა და მოლდოვის რუსი ჯარისკაცებისგან გათავისუფლება უკრაინის საქმე არ არის" - რას ამბობს ოლექსი დანილოვი

"საქართველოსა და მოლდოვის რუსი ჯარისკაცებისგან გათავისუფლება უკრაინის საქმე არ არის" - რას ამბობს ოლექსი დანილოვი

საქართველომ და მოლდოვამ უკრაინის ჩარევის გარეშე უნდა მოიშორონ რუსული გავლენა და რუსეთის ჯარი თავიანთი ტერიტორიიდან. ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა "რადიო თავისუფლების" უკრაინის ბიუროსთან საუბრისას განაცხადა.

"ქართველებმა უნდა გააკეთონ ეს. მოლდოველებმა თვითონ უნდა გააკეთონ, თუ თვლიან, რომ ეს ტერიტორია მათ ეკუთვნით", - განაცხადა დანილოვმა.

  • დანილოვს მიაჩნია, რომ ქვეყნები, სადაც რუსეთის ფედერაციას აქვს გავლენა და სადაც მათი ჯარისკაცები იმყოფებიან, ვერ განვითარდებიან.

"მაგალითი არის მოლდოვა, რომელიც დიდი ხანია ოკუპირებულია რუსეთის ფედერაციის მიერ. ჩვენ ვერ ვხედავთ, რომ ამ ტერიტორიას ექნება განვითარების პერსპექტივა, სანამ არ გათავისუფლდება რუსი ოკუპანტისაგან.

საქართველოს მაგალითი. 2008 წლის ოკუპაციის შემდეგ, როდესაც ეს ტერორისტები შეიჭრნენ, ოკუპირებული ტერიტორია აბსოლუტურად დანგრეულია, არ ვითარდება და განვითარების პერსპექტივა არ იქნება, რადგან ფულს არავინ ჩადებს ისეთ ტერიტორიებზე, სადაც ტერიტორიული საკითხი არ არის განსაზღვრული", - განაცხადა დანილოვმა.

  • გარდა ამისა, მან "უცნაური" უწოდა საქართველოს პრეზიდენტის, სალომე ზურაბიშვილის განცხადებას იმის შესახებ, რომ "სამშვიდობო შეთანხმება უკრაინის წინააღმდეგ რუსეთის ომის დასრულების შესახებ უნდა შეიცავდეს პუნქტს საქართველოს ტერიტორიიდან რუსული ჯარის გაყვანაზე."

"მაშინ თქვით, ეს არ არის ჩვენი ტერიტორია, თქვით ეს მსოფლიოს გასაგონად. ბიზანტიური სტილი, რომელიც პოლიტიკაში გარკვეულ დრომდე არსებობდა, წარსულს უნდა ჩაბარდეს", - აღნიშნა დანილოვმა.

წყარო: ekhokavkaza.com