ოკუპირებული აფხაზეთის ე.წ. პრეზიდენტმა, ასლან ბჟანიამ რუსეთის საგარეო საქმეთა მინისტრი, სერგეი ლავროვი "აფხაზეთის უმაღლესი ორდენით“ – "ახძ-აფშას“ ("ღირსება და დიდება") პირველი ხარისხის ორდენით დააჯილდოვა.
"აფხაზეთის რესპუბლიკის დამოუკიდებლობის აღიარებასა და აფხაზეთ-რუსეთის სახელმწიფოთაშორისი ურთიერთობების განმტკიცებასა და განვითარებაში შეტანილი დიდი პირადი წვლილისთვის, სერგეი ლავროვი "ახძ-აფშას“ I ხარისხის ორდენით დაჯილდოვდეს“, - აღნიშნულია ბჟანიას ე.წ. განკარგულებაში.
ცნობისათვის, "ღირსებისა და დიდების 1-ლი ხარისხის ორდენით“ სხვადასხვა წლებში დაჯილდოებული არიან: ვლადისლავ არძინბა, ედუარდ კოკოითი, დანიელ ორტეგა, უგო ჩავესი, ბაშარ ალ-ასადი, ვლადიმერ პუტინი, სერგეი შოიგუ და დიმიტრი მედვედევი.