"ვაკეთებ იმას, რაც მსურს." - პიკე შაკირასთან დაშორების შემდეგ ახალ ცხოვრებაზე საუბრობს და ამბობს, რომ ბედნიერია

ვეტერანი ფეხბურთელი ჟერარ პიკე ამბობს, რომ "ძალიან ბედნიერია“ და არ წუხს შაკირასთან დაშორების გამო. "მე ვაგრძელებ ცხოვრებას და ვაკეთებ იმას, რაც მსურს“, - თქვა პიკემ El Pais-თან საუბრისას.

• "სიკვდილის წინ, როცა უკან მოვიხედავ, ვიმედოვნებ, რომ გაკეთებული მექნება ის ყველაფერი, რაც მსურდა. მე მსურს ვიყო საკუთარი თავის ერთგული. მე არ ვაპირებ ფული დავხარჯო ჩემი იმიჯის გამოსასწორებლად. ჩემს ცხოვრებაში ცვლილებები მოხდა და მე ვიცი, როგორ შევინარჩუნო ბედნიერება", - ამბობს ფეხბურთელი.

პიკე აღნიშნავს, რომ ამჯამად კონცენტრირებულია შვილებზე და სურს, რომ ბავშვები დაიცვას და რომ ეს მისი პასუხისმგებლობაა.

ცნობისთვის, ვარსკვლავური წყვილი პიკე და შაკირა უკვე ერთი წელია ერთმანეთს დაშორდა. პიკემ მომღერალს უღალატა. ფეხბურთელის ახალი გერლფრენდი კლარა ჩია მარტია.