"ჩემი სახლიდან ვწერ ამ ვიდეოს, მაშინ როცა "POST TV" - ის ეთერში ლაპარაკობენ, რომ თითქოს დიმიტრი ჩიქოვანის სახლიდან ვერ გამოვდივარ" - რა ვიდეოს ავრცელებს თათია სამხარაძე
თათია სამხარაძე, რომელიც შალვა რამიშვილს სექსუალურ ძალადობაში ადანაშაულებდა და საქმეზე სასამართლო დავა ორჯერ მოიგო, სოციალურ ქსელში აქვეყნებს ვიდეო-მიმართვას იმის დასტურად, რომ "POST TV" - ის ეთერში, "დიდ გადაცემაში" მის შესახებ გავრცელებული ინფორმაცია სიმართლეს არ შეესაბამება.
"ჩემი სახლიდან, მამაჩემთან ერთად ვწერ ამ ვიდეოს, მაშინ როცა "POST TV" - ის ეთერში გადის "დიდი გადაცემა", სადაც ლაპარაკობენ, რომ თითქოს მე ვიმყოფებოდი დიმიტრი ჩიქოვანის სახლში და იქედან ვერ გამოვდივარ, რადგან მაქვს დალურჯებები. ნახეთ, არანაირი დალურჯებები არ მაქვს" - ამბობს ვიდეოში თათია სამხარაძე.
ცნობისთვის, მას შემდეგ რაც ბოლო დღეების განმავლობაში, შალვა რამიშვილს რამდენიმე ქალმა სექსუალურ ძალადობაში საჯაროდ დასდო ბრალი და ამ კონტექსტში თათია სამხარაძისა და რამიშვილის ამბავი კვლავ აქტუალური გახდა, "POST TV" -ის ეთერში გავიდა სიუჟეტი სამხარაძისა და "ნაციონალური მოძრაობის“ პარტიის სამდივნოს წევრის, დიმიტრი ჩიქოვანის საეჭვო კავშირის შესახებ.
26 მარტს კი "დიდ გადაცემაში" წამყვანები ამტკიცებდნენ, რომ თათია სამხარაძე სამი დღის განმავლობაში ჩიქოვანის ბინაში იმყოფებოდა და იქედან ვერ გამოდიოდა, რადგან დალურჯებები ჰქონდა. სწორედ ამ გადაცემის პარალელურად ჩაწერა თათია სამხარაძემ ვიდეო საკუთარი სახლიდან და განაცხადა, რომ ის, რასაც მის შესახებ "პოსტს ტვ" - ის ეთერში ლაპარაკობდნენ, სრული სიცრუე იყო.
ასევე იხილეთ:
- "ვიდეოში ისმის თათია სამხარაძის ქოშინი, რაც იმაზე მეტყველებს, რომ სწორედ ნარბენმა ჩაწერა ვიდეო" - რას აცხადებს POSTV- ი სამხარაძის მიერ გავრცელებულ ვიდეოზე
- "ეს იყო პროვოკაცია" - რა განცხადებას ავრცელებს "ნაცმოძრაობა" დიმიტრი ჩიქოვანის სახლში პოლიციის მისვლასთან დაკავშირებით?
- "შალვა რამიშვილი არის სექსუალური მანიაკი, საზოგადოებისთვის სახიფათო... ძველ დროში, ასეთებს ქვებით ქოლავდნენ" - გუბაზ სანიკიძე