სამთავრობოთაშორისი კოალიცია დემოკრატიათა თანამეგობრობაში (CoD) საქართველოს ახალგაზრდობის წარმომადგენელი თინათინ ობოლაძე აშშ-ს პრეზიდენტის, ჯო ბაიდენის ინიციატივით გამართულ დემოკრატიის სამიტზე სიტყვით გამოვა.
სამიტი 29-31 მარტს, კოსტა-რიკის დედაქალაქ სან-ხოსეში იმართება, სადაც მიწვეული არიან როგორც სხვადასხვა ქვეყნის პირველი პირები, ისე სამოქალაქო საზოგადოების წევრები და ახალგაზრდა ლიდერები.
სამიტის ფარგლებში, 30 მარტს სახელწოდებით - „როგორ უნდა გაიზარდოს ახალგაზრდების ჩართულობა დემოკრატიულ პროცესებში“ ღონისძიება გაიმართება, რომლის მონაწილეებსაც თინათინ ობოლაძე სიტყვით მიმართავს და ეროვნული მთავრობებისადმი წარდგენილ იმ რეკომენდაციებზე ისაუბრებს, რომლებიც ახალგაზრდა ლიდერების მიერ დემოკრატიათა თანამეგობრობის კამპანიის #CoDYouthLeads ფარგლებშია შემუშავებული.