რა დაედო საფუძვლად რომანს "ბუტერბროდი ჭვავის პურით" - უჩვეულო ფაქტები ჩარლზ ბუკოვსკის შესახებ

მან ნამდვილი რევოლუცია მოახდინა თავისი დროის ამერიკულ ლიტერატურაში. მკითხველს გააცნო „ბინძური რეალიზმის“ მიმართულება და ცნობილი გახდა ქალების სიყვარულითა და ჩხუბით. მაგრამ მიუხედავად რთული ხასიათისა და უამრავი მავნე დამოკიდებულებისა, ჩარლზ ბუკოვსკი ყოველთვის რჩებოდა ნამდვილი რომანტიკული სულის მქონე ადამიანად. ამას მისი პოეტური ნაწარმოებებიც ადასტურებს. ბუკოვსკი 40-ზე მეტი წიგნის - 6 რომანის, 7 მოთხრობის კრებულისა და მრავალ ენაზე თარგმნილი ლექსების 32 კრებულის ავტორია. მის ნაწარმოებების მიხედვით არაერთი მხატვრული თუ დოკუმენტური ფილმი გადაიღეს.

წაიკითხეთ ყველაზე საინტერესო ფაქტები ბუკოვსკის შესახებ:

მის ცნობილ ავტობიოგრაფიულ რომანს - „ბუტერბროდი ჭვავის პურით“, საფუძვლად დაედო მწერლის ბავშვობა და სკოლის გამოცდილება (1982).

წიგნში მწერალი საუბრობს ახალგაზრდული მომწიფების პირველ სიყვარულებსა და ქარიშხლებზე, ასევე მამის აღზრდის მეთოდებზე, რომელიც პედანტური სისასტიკის მომხრე იყო, მის საჩვენებელ და ფიზიკურ დასჯაზე. „ბუტერბროდი ჭვავის პურით“ ყველაზე შთამბეჭდავი რომანია. „ჰაკლბერი ფინის თავგადასავლისა“ და „თამაში ჭვავის ყანაშის“ მსგავსად, ეს რომანიც დაწერილია ბავშვის თვალთახედვით, რომელიც ეხება ზრდასრულთა სამყაროს ორგულობას, პრეტენზიულობასა და ამაოებას. ბავშვი, რომელიც თანდათან აღმოაჩენს აზარტულ თამაშებს, ქალებს და ჩხუბს.

ბუკოვსკის რომანები ავტობიოგრაფიულია

ჩარლზ ბუკოვსკის აქვს ხუთი რომანი, რომელიც ეფუძნება საკუთარ ბიოგრაფიას: „ბუტერბროდი ჭვავის პურით“, „ფოსტა“, „ქალები“, „ჰოლივუდი“, „ფაქტოტუმი“ ხუთივე წიგნს მთავარი გმირი - ჰენრი ჩინასკი აერთიანებს, რომელიც თავად ბუკოვსკის უდავო ალტერ ეგოა.

ის ვერ იტანდა საზოგადოებაში ყოფნას

განმარტოების სიყვარული მრავალი მწერლის დამახასიათებელი თვისებაა. მაგალითად, ჯერომ სელინჯერი, თომას პინჩონი და სხვა მწერლები განთქმული იყვნენ სოციალური ფობიით. უარს ამბობდნენ ინტერვიუებზე და მკითხველებთან შეხვედრებზე. მათთან შედარებით ბუკოვსკი უფრო კომუნიკაბელური იყო, მაგრამ ჟურნალისტებთან საუბარში ის ხშირად ახსენებდა თავის მაჩხუბარა ხასიათს და საკუთარ თავს მიზანთროპს უწოდებდა.

ალკოჰოლს თავისი ცხოვრების მთავარ სიყვარულს უწოდებდა

ბუკოვსკის ყველაზე მავნე დამოკიდებულება ძლიერი სასმელების სიყვარული იყო. ის ალკოჰოლზე დამოკიდებული ჯერ კიდევ თინეიჯერობის პერიოდში გახდა და მთელი ცხოვრება ასე იცხოვრა. რთულ პერიოდებში სწორედ ალკოჰოლში ეძებდა ნუგეშს და მას შთაგონების მთავარ წყაროდ თვლიდა. 1954 წელს ბუკოვსკიმ განიცადა პირველი სერიოზული კრიზისი: ის საავადმყოფოში მოათავსეს საჭმლის მომნელებელი ორგანოებიდან შინაგანი სისხლდენით. მოგვიანებით მწერალს კანის კიბო, ხოლო 80-იანი წლების ბოლოს ტუბერკულოზის დიაგნოზი დაუსვეს. ყველა ამ დაავადებამ აიძულა ბუკოვსკი მრავალი თვე გაეტარებინა საავადმყოფოში, მაგრამ ამანაც კი ვერ დაარწმუნა, რომ უარი ეთქვა გაუთავებელ სმაზე.

წარმატებისკენ დიდხანს მიდიოდა

იშვიათმა მწერალმა პირველივე ცდაზე მოახერხა ლიტერატურის სფეროში შეღწევა: დიდი კონკურენცია და გამომცემლების უყურადღებობა ზოგჯერ ყველაზე ნიჭიერ ავტორებსაც კი აიძულებდა წლების განმავლობაში დალოდებოდნენ თავიანთ საუკეთესო საათს. მსგავსი ბედი ჩარლზ ბუკოვსკიმაც გაიზიარა. მიუხედავად იმისა, რომ მწერალი მცირე ასაკიდან ოცნებობდა ტექსტებთან მუშაობაზე, მისი პირველი შემოქმედება რედაქტორებმა დაუნდობლად უარყვეს. ასეთმა უგულებელყოფამ ბუკოვსკი ნამდვილ დეპრესიაში ჩააგდო. მწერალმა პირობა დადო, რომ აღარასოდეს შეეხებოდა კალამსა და ქაღალდს და დიდი ხნის განმავლობაში მუშაობდა დამლაგებლად, ასხამდა ბენზის ავტომანქანებში და მუშაობდა დაცვაში. თუმცა, ბევრმა მუშაობამ ძლიერ სასმელებთან ერთად, ბუკოვსკი მალევე მიიყვანა საავადმყოფოს საწოლში, სადაც გადაწყდა, რომ ხელახლა ეცადა ბედი ლიტერატურაში და, როგორც იქნა, მისი ცდა ამჯერად წარმატებული აღმოჩნდა.

გამომცემლობა „პალიტრა L”-ის გამოცემა „ბუტერბროდი ჭვავის პურით“ შეგიძლიათ შეიძინოთ „ბიბლუსის“ წიგნის მაღაზიებში, ან ონლაინ, საიტზე www.palitral.ge