92 წლის მილიარდერმა ცოლს მეილით შეატყობინა, რომ დაშორება სურდა - ქალი სახლში ელოდა ქმარს, თუმცა მისგან მოულოდნელი შეტყობინება მიიღო

რამდენიმე თვის წინ, 92 წლის მილიარდერი, მედიამაგნატი რუპერტ მერდოკი მეოთხე ცოლს, ჯერი ჰოლს დაშორდა. ახლა კი ცნობილი გახდა, რომ დაშორების შესახებ ცოლს ელექტრონულ ფოსტაზე გაგზავნილი მოკლე წერილით შეატყობინა.

ჯერი ჰოლი ქმარს სახლში ელოდა და წარმოდგენაც არ ჰქონდა, რომ რუბერტი დაშორებას გეგმავდა. ქმარი სახლში არ მივიდა, თუმცა ცოლს მეილზე შემდეგი ტექსტი მისწერა:

• "ჯერი, სამწუხაროდ, გადავწყვიტე, რომ ჩვენი ქორწინება დავასრულო. ჩემი ნიუ-იორკელი ადვოკატი დაუყოვნებლივ დაგიკავშირდება. ჩვენ ნამდვილად კარგი დრო ვატარეთ, თუმცა კიდევ ბევრი რამ მაქვს გასაკეთებელი", - წერდა მილიარდერი.

ჯერი ჰოლის მეგობრების თქმით, ჰოლი დამცირებული და გაბრაზებული დარჩა, ქალი ამბობს, რომ მან დიდი დრო და ენერგია შეალია მილიარდერის ჯანმრთელობაზე ზრუნვას.

ჯერი ჰოლის მეგობრებით თქმით, ქალი მათ გამოუტყდა, რომ მერდოკის ფიგურა დაამზადებინა და დაწვა. ჰოლის ბოლო რამდენიმე წლის განმავლობაში მერდოკზე ზრუნვა უწევდა, რადგან 92 წლის ბიზნესმენმა 2018 წლის იანვარში იახტაზე დაცემის შემდეგ ხერხემალი დაიზიანა, რამაც ის სიკვდილის პირას მიიყვანა.

მერდოკი მარტში რადიო წამყვან ენ ლესლი სმიტზე დაინიშნა და მას 2-მილიონიანი ნიშნობის ბეჭედიც უყიდა, მაგრამ დაახლოებით 2 კვირაში ნიშნობა ჩაიშალა. ტაბლოიდები წერენ, რომ მათი დაშორების მიზეზი რელიგიური შეხედულებებია.

წყარო: theguardian

მოამზადა: ანა სიბოშვილმა