"25-ში ერთნი გავხდებით" - დათო ევგენიძეს გიორგი მახარაშვილი ღვიძლს გადაუნერგავს: რას წერენ თურქეთიდან მუსიკოსები?
ცოტა ხნის წინ მუსიკოსი დათო ევგენიძე თურქეთში გაემგზავრა, სადაც ღვიძლის გადანერგვის ოპერაციას გაიკეთებს. ოპერაცია სტამბოლში, BAU Medical Park Goztepe-ში ჩატარდება. როგორც ირკვევა დონორი მისი მეგობარი, მომღერალი გიორგი მახარაშვილია. ამის შესახებ რამდენიმე დღის წინ ევგენიძე სოციალურ ქსელში წერდა:
"ოპერაციის მერე აკრძალული გვაქვს ალკოჰოლი და გადავწყვიტეთ, თითო ჭიქა ჩაგვერტყა... მე სულ მალე დავბრუნდები - ავისრულებ მე ჩემს ნატვრას, მე გვერდით მყავს მახარა, მზის ამოსვლა მახარა" - წერდა დათო ევგენიძე.
ამჯერად პოსტს და დათოსთან გადაღებულ ფოტოს სტამბულიდან გიორგი აქვეყნებს და წერს, რომ ოპერაციის თარიღიც ჩაინიშნა:
"25 ში ერთნი გავხდებით" - მახარაშვილის ამ პოსტს უამრავი გამამხნევებელი კომენტარი მოჰყვა ცნობილი ადამიანებისგან.