ბრიტანულ სამეფო ოჯახში "ახალი კამილა" გამოჩნდა? - ყვითელი პრესა პრინცი უილიამისა და როუზ ჰენბერის სავარაუდო რომანზე წერს
ბრიტანული სამეფო ოჯახი ახალ სკანდალში გაეხვა, თუმცა ამჯერად ტაბლოიდების მთავარი თემა არა ჰარი და მეგანი, არამედ ის სავარაუდო სასიყვარულო სამკუთხედია, რომელშიც პრიცი უილიამი და ქეით მიდლტონი აღმოჩდნენ.
- ყვითელი პრესა წერს, რომ პრინც უილიამს სასიყვარულო ურთიერთობა აქვს როუზ ბენბერისთან. მათივე ინფორმაციით, როუზი მრავალი წელია ქეითსა და უილიამთან მეგობრობს, თუმცა ბოლო დროს, მიდლტონთან ურთიერთობა დაეძაბა, რისი მიზეზიც პრინცთან რომანტიკული კავშირია.
წყაროს ინფორმაციით, უილიამი ვალენტინობასაც კი როუზთან ერთად შეხვდა. ზოგიერთის თქმით, მათ სასიყვარულო ურთიერთობა მანამდეც ჰქონდათ, ვიდრე უილიამი ქეით მიდლტონზე დაქორწინდებოდა.
აღსანიშნავია, რომ როუზი დაქორწინებულია. ის ჩოლმონდელის მეშვიდე მარკიზის, დევიდ ჯორჯ ფილიპ ჩოლმონდელის ცოლია და მისი ტიტულია ჩოლმონდელის მარკიზა. ქალი დევიდზე 2009 წელს დაქორწინდა.
ბრიტანელებს ეს ამბავი პრინც ჩარლზის, პრინცესა დაიანასა და კამილას ამბავს ახსენებს და სოციალურ ქსელებში წერენ, რომ შესაძლოა, უილიამი მამის შეცდომას იმეორებდეს. ბევრისთვის დაუჯერებელია, რომ მეოჯახე უილიამი, რომლისთვისაც სტატუსი, სამეფო წესები უმნიშვნელოვანესია, ამგვარ სკანდალში გაეხვეს. ზოგი იმასაც ფიქრობს, რომ ინფორმაცია ყალბია და შესაძლოა, ყველაფერი მეგან მარკლისგან მოდიოდეს.
სამეფო ოჯახში ამ თემაზე ჯერჯერობით კომენტარი არ გაუკეთებიათ.