მეგან მარკლი გასართობ ინდუსტრიაში ბრუნდება - რას წერს მედია სასექსის ჰერცოგინიას ახალ წამოწყებაზე?
მეგან მარკლმა ჰოლივუდის სააგენტო WME-ს წარმომადგენლობაზე ხელი მოაწერა, თუმცა სამსახიობო კარიერაში დაბრუნებას არ გეგმავს. გლობალურმა გასართობმა სააგენტომ ეს ამბავი "ტვიტერის" საშუალებით გამოაცხადა, სადაც სასექსის ჰერცოგინიას ფოტოც გააზიარა:
"გვაქვს პატივი გამოვაცხადოთ, რომ ამიერიდან WME მეგანს, სასექსის ჰერცოგინიას წარმოადგენს" - წერია პოსტში.
<blockquote class="twitter-tweet"><p lang="en" dir="ltr">We are honored to announce that WME now represents Meghan, The Duchess of Sussex in all areas. <a href="https://t.co/xHPxCxVoMa">https://t.co/xHPxCxVoMa</a> <a href="https://t.co/Ham9AkpEmq">pic.twitter.com/Ham9AkpEmq</a></p>— WME (@WME) <a href="https://twitter.com/WME/status/1651728230083354626?ref_src=twsrc%5Etfw">April 27, 2023</a></blockquote> <script async src="https://platform.twitter.com/widgets.js" charset="utf-8"></script>როგორც ბრიტანული მედია იტყობინება, მეგანის საქმიანობის ცენტრში მსახიობობა არ იქნება. მარკლის ახალი წამოწყების შესახებ ინფორმაცია მას შემდეგ გავრცელდა, რაც მეფე ჩარლზის კორონაციის მოახლოების პარალელურად ის დაბალი პროფილის შენარჩუნებას ცდილობს.
სამეფო ოჯახის განცხადების თანახმად, ის ცერემონიას არ დაესწრება და სახლში მის ორ შვილთან ერთად დარჩება. ოჯახთან დაახლოებული წყაროს თქმით, მეგანი მისი შვილის, არჩის დაბადების დღეს ვერ გამოტოვებდა და ამიტომ გადაწყვიტა, მამამთილის კორონაციას არ დასწრებოდა.
წყარო: pagesix
მოამზადა: ანა სიბოშვილმა