რუსეთის ბრიანსკის ოლქში, რკინიგზაზე მომხდარი აფეთქების გამო, სატვირთო მატარებელი რელსებიდან გადავარდა
რუსეთის ბრიანსკის ოლქში, რკინიგზაზე აფეთქების შედეგად სატვირთო მატარებელი რელსებიდან გადავიდა, - რუსული მედიის ინფორმაციით, ამის შესახებ ოლქის გუბერნატორმა, ალექსანდრ ბოგომაზმა განაცხადა.
"უნეჩას რაიონში, ბრიანსკ-უნეჩას რკინიგზის 136-ე კილომეტრზე, ასაფეთქებელი მოწყობილობა ამოქმედდა, რის შედეგადაც სატვირთო მატარებელი რელსებიდან გადავიდა. მსხვერპლი არ არის", - დაწერა გუბერნატორმა "ტელეგრამის“ არხზე.
მისივე ცნობით, რელსებიდან 7 ვაგონი გადავარდა.
რუსული მედიის ინფორმაციით, ადგილზე ოპერატიული სამსახურები და ქალაქის სახანძრო ბრიგადები მუშაობენ. შედეგების აღმოსაფხვრელად სამუშაოების კოორდინაციის მიზნით, "რუსეთის რკინიგზამ“ ოპერატიული შტაბი შექმნა.