პსჟ-მ ლეო მესი დასაჯა - პარიზულმა კლუბმა მსოფლიო ჩემპიონს ორი კვირის განმავლობაში თამაში აუკრძალა
ფეხბურთის არგენტინელ სუპერვარსკვლავს, ლეო მესის, რომელიც ფრანგული პსჟ-ს რიგებში თამაშობს, კლუბმა ორკვირიანი დისკვალიფიკაცია მისცა, რაც იმას გულისხმობს, რომ მსოფლიოს ჩემპიონს ორი კვირის განმავლობაში აეკრძალა თამაში და ასევე ვარჯიშო პსჟ-ში.
- მიზეზი ისაა, რომ მესი საუდის არაბეთში კლუბის ნებართვის გარეშე გაემგზავრა. როგორც ცნობილია, მესიმ ნებართვა ითხოვა "კომერციული სამუშაოების შესასრულებლად" საუდის არაბეთში გამგზავრების თაობაზე, თუმცა უარი მიიღო.
ცნობისთვის, მესი საუდის არაბეთში ტურიზმის ელჩის როლს ასრულებს.
აღსანიშნავია, რომ ლეოს პსჟ-სთან ორწლიანი კონტრაქტი ამ ზაფხულს ეწურება. "ბარსელონას" ვიცე-პრეზიდენტმა რაფაელ იუსტემ მარტში განაცხადა, რომ ესპანური კლუბი კონტაქტზეა მესისთან და მოლაპარაკებები მიმდინარეობს ნოუ კამპზე მის დასაბრუნებლად.
მესიმ პსჟ-ს ყველა ტურნირზე ჩატარებულ 71 მატჩში 31 გოლი გაიტანა და 34 საგოლე გადაცემა გააკეთა, გასულ სეზონში კი "ლიგა 1" მოიგო.