"თუ ამ იაფფასიან ქალს მიეცემა უფლება დაბრუნდეს, მე წავალ" - მარგარიტა სიმონიანი ალა პუგაჩოვას მოსკოვში ჩასვლის გამო აღშფოთებულია და რუსეთის დატოვებით იმუქრება
უკვე მეორე დღეა რაც ალა პუგაჩოვა მოსკოვში დაბრუნდა, რათა გარდაცვლილ მეგობარს, დიზაინერ ვალენტინ იუდაშკინს დაემშვიდობოს. შავ ტანსაცმელში ჩაცმული პრიმადონა დიზაინერის გამოსამშვიდობებელ ცერემონიაზე გამოჩნდა, სადაც ვლადიმერ პუტინის პრესმდივანს დიმიტრი პესკოვს შეხვდა.
რუსების დიდი ნაწილი აღშფოთდა იმის ნახვით, რომ პესკოვმა მომღერალს ხელზე აკოცა და უთხრა, რომ ძალიან გაუხარდა მისი ნახვა. ამ ფაქტს კრემლის პროპაგანდისტი მარგარიტა სიმონიანიც გამოეხმაურა. მან თქვა, რომ არ მოითმენს, თუ პრიმადონას "უკან არ წაიღებენ".
"თუ ამ იაფფასიან ქალს მიეცემა უფლება დაბრუნდეს და გააგრძელოს რუსეთში ფარსის მოწყობა, რომელსაც ის მრავალი წლის განმავლობაში დგამდა, მე წავალ. ეს იქნება შეურაცხყოფა, რომელსაც ვერ ავიტან. ბევრს ვიცნობ, ვინც იგივეს გააკეთებს. ", - განაცხადა სიმონიანმა
- მას შემდეგ, რაც ალა პუგაჩოვამ და მაქსიმ გალკინმა აგრესორი ქვეყნის ტერიტორია დატოვეს, კრემლის ერთ-ერთმა მთავარმა პროპაგანდისტმა ალას კრიტიკა დაიწყო.
მან თქვა, რომ გალკინი სავარაუდოდ ჰომოსექსუალი იყო და პუგაჩოვასთან ქორწინება კარიერის კიბეზე ასვლისა და არატრადიციული სექსუალური ორიენტაციის დამალვის მცდელობისთვის დასჭირდა.
- წაიკითხეთ ასევე:
- უკრაინაში რუსეთის შეჭრის გაპროტესტების შემდეგ ალა პუგაჩოვა მოსკოვში დიმიტრი პესკოვს შეხვდა - რა მოხდა ვალენტინ იუდაშკინის დაკრძალვაზე
- ვისი ცხვირ-პირის გაერთიანება სურს პუგაჩოვას და რას აცხადებს სიმონიანი - "გალკინმა შეურაცხყოფა მიაყენა ტიგრანს, მაგრამ გავჩუმდით, რადგან ქრისტიანები ვართ"