"უკრაინელები თქვენ გვერდით იქნებიან თავისუფლებისთვის ბრძოლაში მონობის წინააღმდეგ, მოდით, ერთად ვიყოთ" - ოლექსი დანილოვი
"საქართველო აუცილებლად გაიმარჯვებს და წარსულში დატოვებს იმ ბნელ დროს, რომელიც ახლა მას ჩრდილოეთის საზიზღარი ჭაობებიდან ადევს", - ამის შესახებ უკრაინის უშიშროებისა და თავდაცვის საბჭოს მდივანი, ოლექსი დანილოვი “ტვიტერზე“ წერს.
მისი თქმით, სტკივა, რომ ახლა "რუსული სიბნელე ახშობს თავისუფალ საქართველოს“.
"უკრაინელები თქვენ გვერდით იქნებიან თავისუფლების ბრძოლაში მონობის წინააღმდეგ. მტკივა, რომ ახლა რუსული სიბნელე ახშობს თავისუფალ საქართველოს, მაგრამ ჩვენ გავუზიარებთ ჩვენი ბრძოლის გამოცდილებას და ვიცით, რომ საქართველო იქნება თავისუფალი და დამოუკიდებელი, ტერიტორიულად გამთლიანებული და სუვერენული! მოდით, ერთად ვიყოთ!“, - წერს დანილოვი.