ავტორი:

"მათი მეტოქეობა კინოინდუსტრიის ერთ-ერთი ყველაზე კარგად დაფარული საიდუმლოა" - რატომ არ უყვართ ტომ კრუზსა და ბრედ პიტს ერთმანეთი?

"მათი მეტოქეობა კინოინდუსტრიის ერთ-ერთი ყველაზე კარგად დაფარული საიდუმლოა" - რატომ არ უყვართ ტომ კრუზსა და ბრედ პიტს ერთმანეთი?

შეიძლება ითქვას, რომ ტომ კრუზი და ბრედ პიტი თანამედროვე კინოს მთავარი ფიგურები არიან, თითოეულმა მათგანმა უამრავი დასამახსოვრებელი როლი შექმნა და საკმაოდ ბევრი გულშემატკივარი შეიძინა. მსახიობები კარიერას თითქმის ერთ პერიოდში, 1980-იანი წლების ბოლოდან აშენებდნენ. ერთ ფილმში ერთდროულადაც კი ითამაშეს. თუმცა, ინსაიდერებმა მათ დაპირისპირებასა და ფარულ შუღლზე არაერთხელ ისაუბრეს.

ისინი 1994 წელს ფილმში "ინტერვიუ ვამპირთან" ერთად გამოჩნდნენ. კრიტიკოსებმა აღნიშნული ფილმი დადებითად შეაფასეს, თუმცა როგორც მოგვიანებით გაირკვა, მთავარ გმირებს შორის კონფლიქტი მაშინ დაიწყო.

"გადაღებების დროს იყო მომენტები, როდესაც ტომზე ვბრაზდებოდი. ჩვენ ჩრდილოეთ და სამხრეთ პოლუსივით ვართ", - თქვა ბრედ პიტმა. მისივე განმარტებით, გადაღება იმდენად რთული იყო, რომ კონტრაქტის გაწყვეტას სერიოზულად აპირებდა. თუმცა, თუ ამას გააკეთებდა, 40 მილიონი დოლარის ოდენობის ჯარიმის გადახდა მოუწევდა.

აღსანიშნავია, რომ ფილმის გუნდი, მათ შორის მისი რეჟისორი ნილ ჯორდანი, დარწმუნებული იყო, რომ ვარსკვლავები აუცილებლად გამონახავდნენ საერთო ენას. ორივე უბრალო ოჯახიდან იყო და წარმატებისკენ მიმავალ გზაზე არაერთი დაბრკოლება შეხვდათ. პიტი კურიერად და მძღოლად მუშაობდა, კრუზი კი ოფიციანტად. თუმცა, როგორ მოგვიანებით გაირკვა, მათ საერთო ენა ერთმანეთთან ვერ გამონახეს. გააგრძელეთ კითხვა