"ჰარის არ სურს ოჯახთან კავშირის გაწყვეტა" - ჰარი და მეგანი შესაძლოა, საცხოვრებლად დიდ ბრიტანეთში დაბრუნდნენ
დიდი ბრიტანეთის სამეფო ოჯახთან კონფლიქტის მიუხედავად, შესაძლოა, პრინცი ჰარი და მისი მეუღლე, მეგან მარკლი საცხოვრებლად კვლავ ინგლისში დაბრუნდნენ.
ამის შესახებ მედიასთან წყვილთან დაახლოებული პირი საუბრობს.
სასექსის ჰერცოგმა და ჰერცოგინიამ სამეფო ოჯახის წევრობაზე უარი 2020 წლის იანვარში თქვეს და კალიფორნიაში გადავიდნენ, სადაც ორ მცირეწლოვან შვილთან, არჩისთან და ლილიბეტთან ერთად ცხოვრობენ.
მას შემდეგ ისინი მხოლოდ რამდენჯერმე დაბრუნდნენ დიდ ბრიტანეთში. მეფე ჩარლზის ყოფილი მსახურთუფროსის, გრანტ ჰაროლდის თქმით, სასექსის ჰერცოგმა შესაძლოა, ბრიტანეთში უძრავი ქონება შეიძინოს, იმ შემთხვევაში, თუ ხანგრძლივი დროით დაბრუნებას გადაწყვეტს.
ჰაროლდის თქმით, "ჰარი საკუთარ თავს სამეფო ოჯახის წევრად მიიჩნევს და მათთან კავშირის გაწყვეტა არ სურს.“
მოამზადა ანი შავიშვილმა