"მამაკაცმა უნდა გააკეთოს ყველაფერი იმისთვის, რომ ჩემი სითბო და სიყვარული დაიმსახუროს, კაცს უნდა ვუყვარდე და მერე..." - რას ამბობს თაკო აბაშიძე
მსახიობი თაკო აბაშიძე ჟურნალ "გზასთან" საუბრობს იმის შესახებ, თუ რამდენად შეესაბამება მისი ხასიათის შტრიხები იმ მახასიათებლებს, რომლითაც ასტროლოგები მის ზოდიაქოს ნიშანს ახასიათებენ. თაკო ზოდიაქოს მიხედვით კუროა. გთავაზობთ ფრაგმენტს ინტერვიუდან:
- საკუთარ თავს რამდენად ხშირად უსვამთ შეკითხვას, იქცევით თუ არა სამართლიანად?
- ძალიან ხშირად, ოღონდ ამ შეკითხვას საკუთარ თავს კონკრეტული საქციელის ჩადენამდე ვუსვამ. ვერ ვიტან უსამართლობას და სადმე უსამართლოდ თუ მოვიქცევი, ამისთვის ბოდიშს ვიხდი.
- "იშვიათად ცრუობს და ისიც - მხოლოდ თავდაცვის მიზნით".
- ვერ ვიტყვი, რომ ტყუილი არ მითქვამს, ზოგჯერ ეს აუცილებელია, თუმცა არც ტყუილებით ვცხოვრობ და - არც ტყუილში.
- ასტროლოგები ამბობენ, რომ გადაწყვეტილების მიღებამდე ბევრს ფიქრობთ, ყველაფერს აწონ-დაწონით, მაგრამ გადაწყვეტილება თუ მიიღეთ, მერე თქვენი შეჩერება შეუძლებელია. ეთანხმებით?
- ბევრს ვფიქრობ, მერე ჩემი შეჩერება ადვილი საქმე არ არის. მიზანდასახული ვარ.
- "სასურველ მამაკაცს დევნას არასდროს დაუწყებს. ურჩევნია, რჩეული მოხიბლოს და აიძულოს, მისკენ თავად ილტვოდეს, იაქტიუროს".
- დევნას, რა თქმა უნდა, არავის დავუწყებ. მამაკაცმა უნდა გააკეთოს ყველაფერი იმისთვის, რომ ჩემი სითბო და სიყვარული დაიმსახუროს. კაცს უნდა ვუყვარდე და მერე აღარც დევნა იქნება საჭირო, აღარც აქტიურობა...წაიკითხეთ ვრცლად