ავსტრიაში დედას ადანაშაულებენ შვილის ძაღლის გალიაში გამოკეტვასა და წამებაში - "ბავშვს აშიმშილებდა და ცივ წყალს ასხამდა"
ავტრიაში პოლიციამ შემზარავი დანაშაულის შესახებ გაასაჯაროვა ინფორმაცია. სამართალდამცველები 32 წლის ქალს შვილის წამებასა და მკვლელობის მცდელობას ედავებიან.
- მათი ინფორმაციით, ქალს 12 წლის შვილი ძაღლის გალიაში ჰყავდა გამოკეტილი, აშიმშილებდა და მხოლოდ ეს არ არის, დროდადრო, ფანჯრებს აღებდა და დღეში რამდენჯერმე ბავშვს ცივ წყალს ასხამდა.
ფაქტის შესახებ პოლიციისთვის გასული წლის ნოემბერში გახდა ცნობილი, ქალი მას შემდეგ დაკავებულია და წინასწარ პატიმრობაშია.
ცნობილია, რომ დანაშაულის შესახებ პოლიციას მამამ 22 ნოემბერს შეატყობინა. აღსანიშნავია, რომ კაცი ცალკე ცხოვრობდა. ბიჭი საავადმყოფოში გადაიყვანეს, დედა კი დააკავეს. უცნობია, თუ რამდენი ხანი ჰყავდა ქალს ბავშვი ასეთ პირობებში.
- "ბიჭს არასრულფასოვნად კვებავდა და თვეების განმავლობაში წამების შედეგად სიკვდილთან ახლოს იყო", - აცხადებს ავსტრიის პოლიციის წარმომადგენელი, იოჰან ბაუმშლაგერი.
მისივე თქმით, შვილს დღეში რამდენჯერმე ასხამდა ცივ წყალს და ამ დროს ფანჯრები ღია ჰქონდა. ბიჭი ახლა ფიზიკურად გამოჯანმრთელდა, მაგრამ "ფსიქოლოგიური თვალსაზრისით, ის კვლავ განადგურებულია", - დასძინა ბაუმშლაგერმა.
მედიის ცნობით, გამოძიება, სავარაუდოდ, ზაფხულის ბოლომდე გაგრძელდება.
- წყარო. BBC