რა გელოდებათ "მუსიკალურ საღამოებზე", რომელიც ქვეყნის 64 მუნიციპალიტეტშია დაგეგმილი - ახალი პროექტი 4 რეგიონში დღეს დაიწყო (ფოტოები)
საქართველოს მთავრობის ადმინისტრაციის ორგანიზებით საქართველოს 64 მუნიციპალიტეტში, ყოველ შაბათ-კვირას პროექტი "მუსიკალური საღამოები" გაიმართება.
- დღეს, 17 ივნისს ყაზბეგის, დმანისის, ხობის და ქობულეთის მუნიციპალიტეტებში ახალი პროექტი “მუსიკალური საღამოები” იმართება.
ღონისძიების ფარგლებში, ყველა მუნიციპალიტეტში, მოქალაქეები შეძლებენ ადგილობრივი მეწარმეების პროდუქციის დათვალიერებას და შეძენას, პატარების განწყობაზე იზრუნებენ ზღაპრის გმირები და ანიმატორები, მოეწყობა სხვადასხვა შემეცნებით-გასართობი აქტივობა და ვორქშოპი, ასევე სადეგუსტაციო და კვების ზონა.
საღამოს კი ქართველი მომღერლების მონაწილეობით კონცერტი გაიმართება. 18 ივნისს, “მუსიკალური საღამოები” ბოლნისში, ხელვაჩაური, ჩხოროწყუსა და თიანეთი გაიმართება.
ნახეთ ფოტოები:
