"უკრაინელებმა ოლქის ტერიტორია დაბომბეს, დაშავდა 7 ადამიანი" - ბელგოროდის გუბერნატორი
რუსეთის ფედერაციის ბელგოროდის ოლქის გუბერნატორის, ვიაჩესლავ გლადკოვის განცხადებით, უკრაინის შეიარაღებულმა ძალებმა ვალუისკის ურბანული რაიონი დაბომბეს, რის შედეგადაც 7 ადამიანი დაშავდა.
"უკრაინის შეიარაღებულმა ძალებმა ვალუისკის ურბანული ოლქი დაბომბეს. წინასწარი მონაცემებით, დაშავებულია შვიდი ადამიანი, მათ შორის ერთი ბავშვი“, - აცხადებს გლადკოვი.
მისი თქმით, დაზიანებულია ხუთი კორპუსი და ოთხი კერძო სახლი. ერთ-ერთ ოჯახში დამხმარე შენობა იწვის. ადგილზე ოპერატიული სამსახურების წარმომადგენლები იმყოფებიან და მიმდინარეობს დაზიანების მასშტაბის დაზუსტება.