სამართალდამცავებმა თბილისში, გვიან ღამით ჩატარებული სპეცოპერაციისას 8 პირი დააკავეს: რას ედავებიან დაკავებულებს

შინაგან საქმეთა სამინისტროს თანამშრომლებმა, თბილისში, გვიან ღამით ჩატარებული სპეცოპერაციისას 8 პირი დააკავეს.

როგორც „ინტერპრესნიუსს“ შსს-ში განუცხადეს, გამოძიება სისხლის სამართლის კოდექსის 180-ე მუხლის მე-4 ნაწილის „ა“ ქვეპუნქტითაა დაწყებული, რაც ორგანიზებული ჯგუფის მიერ თაღლითობას გულისხმობს.

როგორც შსს-ში აცხადებენ, უწყების თანამშრომლებმა 8-ვე პირი ერთ კლუბში დააკავეს.

მათივე ინფორმაციით, დანაშაული 10 წლამდე თავისუფლების აღკვეთას ითვალისწინებს.