"დღის ასეთი დასასრული არაა ის, რაც თქვენ დაიმსახურეთ. მადლობა არის ძალიან სუსტი სიტყვა, რაც ჩემს და გუნდის მადლიერებას გამოხატავს..." - ზურიკო დავითაშვილის მიმართვა გულშემატკივარს

"დინამო არენაზე", 21-წლამდელთა ევროპის ჩემპიონატის მეოთხედფინალურ მატჩში საქართველო ისრაელს დაუპირისპირდა და თერთმეტმეტრიანების სერიაში დამარცხდა. მატჩის, როგორც ძირითადი, ისე დამატებითი დრო უგოლოდ დასრულდა, სამწუხაროდ, საქართველოს ნაკრების წევრებმა გაგუამ და ხვადაგიანმა ვერ შეძლეს გატანა და საქართველოს ნაკრები ტიტულისთვის ბრძოლას მეოთხედფინალში გამოეთიშა.

მატჩის შემდეგ ჩვენი გუნდის ლიდერმა ზურიკო დავითაშვილმა "ფეისბუქგვერდზე" პოსტი გამოაქვეყნა.

"ქართველი ხალხის ერთიანობა, რომელიც ამ დღეების განმავლობაში ჩვენს გარშემო იყო, ნამდვილად სამაგალითოა და დღის ასეთი დასასრული არაა ის, რაც თქვენ დაიმსახურეთ. საფინალო სასტვენი, ხალხის იდენტური რაოდენობა ტრიბუნებზე და საოცარი მხარდაჭერა მუდამ დარჩება ჩემს გონებაში. მადლობა არის ძალიან სუსტი სიტყვა, რაც გულშემატკივრებისადმი ჩემს და გუნდის მადლიერებას გამოხატავს... ახლა კი საჭიროა თავი ავწიოთ და წინ ვიყუროთ. იქ, სადაც მომავლის ლამაზი დღეები ერთად უნდა შევქმნათ", - წერს დავითაშვილი.

იხილეთ ასევე:

• ქართველების დიდი მწუხარება და ისრაელელთა სიხარული ფოტოებში
• დასანანი მარცხი - საქართველოს ახალგაზრდული ნაკრები თერთმეტმეტრიანების სერიას ვერ გაუმკლავდა და ევროპის ჩემპიონატს გამოეთიშა