საფრანგეთში პოლიციის მიერ 17 წლის ახალგაზრდის მკვლელობას არეულობა მოჰყვა შვეიცარიაშიც - დააკვეს 7 პირი, რომელთაგან ერთი ქართველია
შვეიცარიის ქალაქ ლოზანაში წუხელ მომხდარი არეულობის დროს სამართალდამცავებმა 7 ადამიანი დააკავეს.
მედიის ინფორმაციით, დაკავებულებიდან 6 არასრულწლოვანია.
კერძოდ, საუბარია პორტუგალიელ, ბოსნიელ და სომალელ სამ გოგონაზე, ასევე ქართველ და სერბ ბიჭებსა და ერთ შვეიცარიელზე, ისინი 15-დან 17 წლამდე არიან. ერთადერთი სრულწლოვანი დაკავებული, 24 წლის შვეიცარიელია.
გავრცელებული ინფორმაციით, დემონსტრანტები საფრანგეთში პოლიციელის მიერ 17 წლის ახალგაზრდის მკვლელობის გამო მიმდინარე საპროტესტო აქციების მიმართ სოლიდარობის გამოსახატად შეიკრიბნენ.