"მოგიწოდებთ შესაბამის ორგანოებს, უზრუნველყოთ "პრაიდის ფესტივალის" უსაფრთხოდ ჩატარება" - პრეზიდენტის განცხადება
საქართველოს პრეზიდენტი მოუწოდებს შესაბამის ორგანოებს უზრუნველყონ "პრაიდის ფესტივალის" უსაფრთხოდ ჩატარება. ამის შესახებ სალომე ზურაბიშვილის მიერ გავრცელებულ განცხადებაშია ნათქვამი.
"საქართველოს პრეზიდენტს მიაჩნია, რომ სიტყვისა და გამოხატვის თავისუფლება ადამიანის ფუნდამენტური უფლებაა და ნებისმიერი რამ, რაც ამ პრინციპს ეწინააღმდეგება, მიუღებელია! დაუშვებელია ძალადობა და ძალადობრივი ჯგუფების წახალისება.
საქართველოს პრეზიდენტი მოუწოდებს შესაბამის ორგანოებს, უზრუნველყონ ,,პრაიდის ფესტივალის“ უსაფრთხოდ ჩატარება და მონაწილეთა სიტყვისა და გამოხატვის თავისუფლება, რომელიც დაცულია კონსტიტუციით. ,,პრაიდის ფესტივალს“, პრეზიდენტის დავალებით, დაესწრება პრეზიდენტის მრჩეველი ადამიანის უფლებათა საკითხებში" - ნათქვამია განცხადებაში.
წაიკითხეთ ასევე: