"პრაიდ ფესტივალის" მოწინააღმდეგეები 2021 წლის 5 ივლისს დაკავებული პირების გათავისუფლებას და სექსუალური უმცირესობის წინააღმდეგ კანონის მიღებას ითხოვენ
"პრაიდ ფესტივალის“ მოწინააღმდეგე ჯგუფმა საქართველოს პარლამენტის წინ გამართულ აქციაზე საკუთარი მოთხოვნები გააჟღერეს, რომელთა შორის იყო 2021 წლის 5 ივლისს დაკავებული ადამიანების გათავისუფლება და სექსუალური უმცირესობის წინააღმდეგ კანონის მიღება.
მოთხოვნების, საკანონმდებლო ორგანოს წინ „ალტ ინფოს“ დამფუძნებელმა ზურა მახარაძემ გააჟღერა.
მისი თქმით, დღეს საქართველოს კონსერვატიულმა ნაწილმა გამარჯვება მოიპოვა.
"დღეს გამარჯვების დღეა. მრავალი ათასი ადამიანი ავიდა ლისზე - რომ გავიგეთ, აქ რაღაცას აპირებდნენ, 500 კაცი აქციიდან მოიხსნა და ჩამოვედით რუსთაველის გამზირზე. მინდა გითხრათ, რომ აქაც გააუქმეს იმ „ქათმებმა“, ამიტომ დღევანდელი დღე საქართველოს კონსერვატიულმა ნაწილმა მოიგო 100-ით 0. ჩვენ კიდევ ერთხელ ვიმეორებთ, სამად სამი რაღაც გვინდოდა დღეს და ამ სამიდან ერთი ჩვენით მოვახერხეთ - არ უნდა ჩატარებულიყო პრაიდი! ხალხი ავიდა და არ ჩაატარა! დარჩა ორი მოთხოვნა - მანდ უკვე უნდა იმოქმედოს ხელისუფლებამ. 5 ივლისს დაკავებული ხალხი ზის ციხეში და პოლიციას „მოლოტოვის კოქტეილებს“ რომ ესროდნენ, ისინი არიან გარეთ, ასეთი სამართლიანობის ქვეყანაში ვართ ჩვენ და ვითხოვთ, გაათავისუფლონ 5 ივლისს დაკავებული სინდისის პატიმრები!
და ბოლოს, ყველაზე მთავარი, ჩვენ არ გვინდა, რომ ხალხი წვალობდეს, ჩვენ ვცადეთ, ეს მოგვეგვარებინა კანონით, 40 ათასზე მეტი ხელმოწერა შევაგროვეთ და აქ დევს ჩვენი კანონი, რომლითაც აიკრძალება და მაგ ქათმებს ამის შემდეგ მიხედავს პოლიცია და ჩვენი მთავრობა არც განიხილავს მაგ კანონს. ამიტომ, მესამე და მთავარი მოთხოვნა არის, რომ ვითხოვთ კანონს არა მხოლოდ ბაღებსა და სკოლებში, არამედ ყველგან, ლგბტ პროპაგანდა, პრაიდები და ამათი ორგია უნდა იყოს აკრძალული! ეს არის ხალხის მოთხოვნა. ვითხოვთ კანონს!“- განაცხადა ზურა მახარაძემ.