ჩრდილოეთ კორეის ლიდერის და, კიმ იო-ჯონგი ამტკიცებს, რომ გასულ ორშაბათს ფხენიანის სამხედრო თვითმფრინავებმა აშშ-ის ჯაშუშური თვითმფრინავი მოიგერიეს, რომელიც ახლომდებარე წყლებზე დაფრინავდა. იო-ჯონგი აშშ-ს აფრთხილებს, რომ დაზვერვის გაგრძელების შემთხვევაში, ისინი "შოკისმომგვრელ" შედეგებს უნდა ელოდონ.
ჩრდილოეთ კორეა ადრეც დამუქრებია აშშ-ს სავარაუდო სადაზვერვო საქმიანობის გამო. ამჯერად, იო-ჯონგის განცხადება ჩრდილოეთ კორეის მიერ წლის დასაწყისში სარაკეტო გამოცდის შემდეგ გაძლიერებულ მტრობას მოჰყვა.
კიმ იო-ჯონგის თქმით, აშშ-ის ჯაშუშური თვითმფრინავი ჩრდილოეთ კორეის აღმოსავლეთის ზონაში ორშაბათს რვაჯერ შევიდა. მან ისიც დასძინა, რომ ჩრდილოეთმა მის გასადევნად საბრძოლო თვითმფრინავები გამოიყვანა.
საბრინა სინგჰი, პენტაგონის პრესმდივნის მოადგილე ჩრდილოეთ კორეის მტკიცებას, რომ აშშ-მა მათი საჰაერო სივრცე დაარღვია, "უბრალოდ, ბრალდებებს“ უწოდებს".
"აშშ, როგორც ყოველთვის, უსაფრთხოდ და პასუხისმგებლობით ფრენის ერთგული რჩება",- განაცხადა სინგჰმა.
სამხრეთ კორეის გაერთიანებული შტაბის უფროსებმა უარყვეს აშშ-ს მხრიდან რაიმე ჯაშუშური თვითმფრინავის ჩრდილოეთ კორეაში გაგზავნის ფაქტი. პრესსპიკერმა ლი სუნგ-ჯუნმა ბრიფინგზე განაცხადა, რომ ამერიკა სამხრეთ კორეის სამხედროებთან კოორდინირებულად აწარმოებს სტანდარტულ სადაზვერვო საქმიანობას.
წყარო: theguardian
მოამზადა: ანა სიბოშვილმა