უკრაინის უსაფრთხოების უწყება ყირიმის ხიდის კოლაფსს ლექსად ეხმაურება - რუსეთის ანტიტერორისტული კომიტეტი კი აცხადებს, რომ ეს იყო თავდასხმა საზღვაო დრონებით

რუსეთის ეროვნულმა ანტიტერორისტულმა კომიტეტმა განაცხადა, რომ 17 ივლისს, გვიან ღამით, ყირიმის ხიდზე მოხდა თავდასხმა უკრაინული, ე.წ. წყალზედა დრონებით. უფრო ადრე ამის თაობაზე უკრაინულმა მედიამ დაწერა. მათი თქმით, სპეცოპერაცია უკრაინის სამხედრო-საზღვაო ძალებმა და უსაფრთხოების სამსახურმა ერთობლივად განახორციელეს.

"ღამის 3:05 წუთზე, უკრაინის უპილოტო წყალზედა აპარატებით მოხდა თავდასხმა ყირიმის ხიდზე", - განაცხადეს რუსეთის ანტიტერორისტულ კომიტეტში. მათი ინფორმაციით, ამ შეტევის შედეგად დაზიანდა ხიდის ავტოსაგზაო ნაწილი. მათივე ცნობით, გამოძიება დაიწყო ტერორისტული აქტის მუხლით.

უკრაინის უსაფრთხოების სამსახურში ოფიციალური კომენტარი არ გაკეთებულა, თუმცა სოციალურ ქსელებში უწყების ექაუნთებზე გამოქვეყნდა შემდეგი შინაარსის ლექსი:

"ბულბულო, ღვიძლო ძმაო, ხიდმა კვლავ "დაიძინა". პ.ს. მუსიკა - სახალხო, ტექსტი - უკრაინის უსაფრთხოების სამსახური". ("Соловей, родной брат, Снова мост пошел „поспать“» с припиской «P. S. Музыка - народная. Слова - უკრაინის უსაფრთხოების სამსახური".

შეგახსენებთ, ყირიმის ხიდი პარალიზებულია, როგორც რუსული მხარე თავდაპირველად აცხადებდა, ამის მიზეზი "საგანგებო შემთხვევა" გახდა. ადგილობრივი წყაროების განცხადებით კი, გვიან ღამით ხიდზე ძლიერი აფეთქებების ხმა ისმოდა.

რუსეთის ბელგოროდის ოლქის გუბერნატორმა დაადასტურა, რომ მომხდარის შედეგად, ყირიმის ხიდზე დაიღუპა ცოლ-ქმარი, მათი შვილი კი დაშავდა.