სოჭიდან წამოსულმა საკრუიზო ლაინერმა ბათუმის პორტი ხმაურის ფონზე დატოვა - როგორ "უმასპინძლეს" ზღვისპირეთში Astoria Grande-ს რუს ტურისტებს, რომლებიც აგრესიულობით გამოირჩეოდნენ
სოჭიდან წამოსულმა საკრუიზო ლაინერმა Astoria Grande, ბათუმის პორტი ხმაურისა და პროტესტის ფონზე დატოვა.
ადგილზე შეკრებილები არიან რიგითი მოქალაქეები და ოპოზიციური პარტიების წარმომადგენლები, რომლებიც ერთი საათის განმავლობაში საპროტესტო აქციას მართავდნენ.
- აქციის მონაწილეები სკანდირებენ: "აფხაზეთი საქართველოა“, "რუსეთი ოკუპანტია“, "დატოვეთ ჩვენი ქვეყანა".
აქციაზე პროტესტი და ხმაური მოყვა ლაინერიდან რუსი ტურისტების ჩამოსვლას და გემიდან რუსეთის დროშის გამოფენას. ამასთან, ლაინერის ერთ-ერთმა მგზავრმა აქციის მონაწილეებს შეურაცხმყოფელი ჟესტებით მიმართა.
ბათუმის პარალელურად აქცია გაიმართა თბილისშიც, საქართველოს პარლამენტის შენობის წინ.
ასევე იხილეთ: