"არის ოქრო" - მოჭიდავე საბა ფურცელაძე მსოფლიო ჩემპიონია
ჭიდაობაში 17-წლამდელთა მსოფლიო ჩემპიონატზე ქართველი მოჭიდავე, საბა ფურცელაძე მსოფლიო ჩემპიონი გახდა და ოქროს მედალს დაეუფლა.
აღსანიშნავია, რომ ფინალში მან რუსეთის და ბელარუსის გაერთიანებული გუნდის წევრი, საიფულა გაჯიმაგომედოვი დაამარაცხა.
"არის ოქრო! საბა ფურცელაძე (92 კგ) მსოფლიო ჩემპიონია საბამ ბერძნულ-რომაული სტილით 17-წლამდელთა მსოფლიო ჩემპიონატის ფინალში რუსეთის და ბელარუსის გაერთიანებული გუნდის წევრი საიფულა გაჯიმაგომედოვი დაამარცხა", - ნათქვამია ჭიდაობის ეროვნული ფედერაციის მიერ გამოქვეყნებულ ინფორმაციაში.