გაუსაძლის სიცხეს საფრანგეთში, ივლისში 80 ადამიანი ემსხვერპლა - ევროპის ზოგიერთ ქვეყანაში კი კვლავ სიცხის გამო გაჩენილ ხანძრებს ებრძვიან

ევროპის ქვეყნები კვლავ ძლიერ სიცხეს ებრძვიან. ხანძრის ათობით კერის ჩაქრობა ჯერ კიდევ ვერ ხერხდება ესპანეთის, იტალიისა და საფრანგეთის რეგიონებში.

ივლისის შუა რიცხვების მონაცემებით, გაუსაძლისი სიცხეების გამო საფრანგეთში 80-მდე ადამიანი დაიღუპა. ინფორმაციას მედია, საზოგადოებრივი ჯანდაცვის სააგენტოს მონაცემებზე დაყრდნობით ავრცელებს.

სტატისტიკური კვლევების დასრულების შემდეგ მოსალოდნელია, რომ ამ სეზონზე სიცხის გამო დაღუპულთა რიცხვი კიდევ გაიზრდება.