უახლესი კადრები სტიქიის ზონიდან - მაშველებმა კიდევ რამდენიმე ადამიანი უვნებლად გამოიყვანეს (ვიდეო)
სტიქიის ზონიდან ორი ვერტმფრენის საშუალებით მოქალაქეების ევაკუაციის პროცესი უკვე განახლდა. ვერტმფრენები სტიქიის ზონაში ცოტა ხნის წინ გაფრინდნენ. მთელი ღამის განმავლობაში სტიქიის ზონაში რჩებოდნენ და მუშაობდბენ მეხანძრე-მაშველები და პოლიციის თანამშრომლები.
რამდენიმე წუთის წინ ცნობილი გახდა, რომ მეწყერის ზონაში ჩარჩენილი კიდევ რამდენი ადამიანი მაშველებმა უვნებლად გამოიყვანეს, მათ შორის არიან ბავშვები.
შოვში, მეწყერი 3 აგვისტოს ჩამოწვა. ბოლო ოფიციალური ინფორმაციით, შინაგან საქმეთა სამინისტროს საგანგებო სიტუაციების მართვის სამსახურის თანამშრომლების მიერ ონის მუნიციპალიტეტში მიმდინარე სამაშველო ღონისძიების შედეგად, ორი პირის ცხედარია ნაპოვნი. შსს-ს ცნობით, 70 ადამიანი სტიქიის ზონიდან გამოიყვანეს.
ამასთან, შინაგან საქმეთა სამინისტროს საგანგებო სიტუაციების მართვის სამსახურის უფროსის, თემურ მღებრიშვილის განცხადებით, სტიქიის ზონაში 150-ზე მეტი ადამიანი უსაფრთხო ტერიტორიაზე იმყოფება მეხანძრე-მაშველებთან და პოლიციის თანამშრომლებთან ერთად.
საგანგებო სიტუაციების მართვის სამსახურის ინფორმაციით, შეიქმნა ცხელი ხაზი, რომელიც 24 საათის განმავლობაში იმუშავებს.
უწყება მოუწოდებს მოსახლეობას, თუ ფლობენ ინფორმაციას დაკარგული პირების შესახებ დაუკავშირდნენ ნომერზე: 598 913 089.
წაიკითხეთ ასევე: