შოვის ტრაგედიის გამო უდედოდ დარჩენილ ლუსის ნიკო კვარაცხელიას ფონდი დაეხმარება - "ეს არასრული სიაა იმისა, რასაც ნიკო აკეთებს"

შოვის ტრაგედიის დროს გარდაცვლილ სოფო ბაკურაძის 4 წლის ლუსის ნიკო კვარაცხელიას ფონდი დაეხმარება. ამის შესახებ სოციალურ ქსელში ფერმერთა ასოციაციის თავმჯდომარე, იკოს ოჯახის ახლობელი ნინო კვარაცხელია წერს:

"აგერ ნიკოს დაბადების დღეც დგება, მის გარეშე მეორედ აღვნიშნავთ ამ დღეს ბრჭყვიალა სიცოცხლით სავსე ბიჭის უსიცოცხლო დაბადების დღეს! არაფერი დარჩენია ოჯახს და ჩვენ, ოჯახის ახლობლებს მისი სახელით გავაკეთოთ ის, რასაც იგი აკეთებდა და გეგმავდა, რომ გაეკეთებინა. ნიკოს ფონდი ეხმარება ბათუმის ტრაგედიის, მამების ამარა დარჩენილი ბავშვებს.

გახდი გმირის საშუალებით ახდენს სამი ბავშვის განათლების უზრუნველყოფას, დაწესებულია ნიკოს სახელობის ჯილდო. ახლა შოვის ტრაგედიით უდედოდ დარჩენილ ლუსის დაეხმარება, თუმცა არც ახალგაზრდები, რომლებსაც თანამედროვე ტექნოლოგიების კუთხით უნდათ განვითარება, არ იქნებიან უყურადღებოდ, მათთვის Hack Days Georgia 2023 გაიმართება. ეს არასრული სიაა იმისა, რასაც ნიკო აკეთებს, გილოცავ დაბადების, დღეს ჩემო ბიჭო, სადაც ხარ!" - წერს ზამბახიძე.

ცნობისთვის, შოვის სტიიქიის შემდეგ 23 წლის მარტოხელა დედას, სოფო ბაკურაძეს ეძებენ. არსებული ინფორმაციით, ის შოვში კოტეჯებში მუშაობდა და მეწყრის დროსაც სწორედ იქ იმყოფებოდა.

"ლუსი, ხშირად მიჰყავთ სხვადასხვა ადგილას, იქნებ დედა უფრო იშვიათად მოიკითხოს. სოფო ბაკურაძე 23 წლის მარტოხელა დედაა, სოფელ გლოლადან, ის შოვში, კოტეჯებში მუშაობდა და ლუსის ბოლოს, 3 აგვისტოს, ჩახუტებით გამოემშვიდობა. სოფოს მაშველები ამ დრომდე ეძებენ.

ლუსიზე ზრუნვის სრული პასუხისმგებლობა მარტოხელა დედას ჰქონდა, სოციალური შემწეობის ამარა დარჩენილს კი, ახლა ჩვენი მხარდაჭერა სჭირდება. ვიცით შეუძლებელია დედის მონატრებას ვუშველოთ რამე, ვერც დედის მოფერებას შეედრება ჩვენი მზრუნველობა, მაგრამ რაც სოფოს შეგვიძლია გავუკეთოთ ახლა, ლუსიზე ზრუნვაა" - წერენ გოგონას ახლობლები.