"ლუსის ისევ სჯერა, რომ დედამისი წასულია კანფეტზე და მოუტანს" - რას ამბობს შოვის ტრაგედიისას დაღუპული 23 წლის სოფო ბაკურაძის ახლობელი

სტიქიით დაღუპულთა შორის კიდევ ერთი პირია იდენტიფიცირებული და ის სოფელ გლოლას მკვიდრი, 23 წლის სოფო ბაკურაძეა.

სოფო მარტოხელა დედა იყო, მას 4 წლის შვილი, ლუსი დარჩა. ის შოვში, კოტეჯებში მუშაობდა

"სოფო ბაკურაძე, 23 წლის. მუშაობდა შოვში, ცხოვრობდა გლოლაში მშობლებთან, დედმამიშვილთან და თავის ლუსისთან [შვილი] ერთად. ბავშვს მარტო ზრდიდა, მარტოხელა დედა იყო. ყოველ ზაფხულს დადიოდა შოვში, დამლაგებლად მუშაობდა. 3 აგვისტოს, დილით რომ წავიდა და ჩაეხუტა ბავშვს, მას შემდეგ არ გვინახავს. ცხედარს ვეძებდით. ამოცნობაზე ვიყავით წასული და ამოვიცანით. გუშინ მოხდა გადმოსვენება. ეს დღეები დნმ-ის პასუხს ველოდებოდით. დაკრძალვა სამშაბათს არის. ბავშვი ისევ ონში იმყოფება, ახლობლებთან, რომ ეს სტრესი არ მიიღოს. ისევ სჯერა, რომ დედამისი წასულია კანფეტზე და მოუტანს“, - განაცხადა თინათინ იჩკიტიძემ.

ცნობისთვის, შოვში მეწყერი 3 აგვისტოს ჩამოწვა. სამაშველო ღონისძიების ფარგლებში უსაფრთხოდ გამოიყვანეს 200-ზე მეტი ადამიანი. ამ დროისთვის 24 ადამიანის ცხედარია ნაპოვნი.

"ლუსის ისევ სჯერა, რომ დედამისი წასულია კანფეტზე და მოუტანს" - რას ამბობს შოვის ტრაგედიისას დაღუპული 23 წლის სოფო ბაკურაძის ახლობელი