"3 წლის წინ ამ დღეს, ანდრიმ თქვა, რომ ეს დღე მისი დაბადების დღეა... ღმერთმა 18 აგვისტოს ის მეორედ მაჩუქა" - რას წერს თათია შარანგია
ტელეწამყვანი თათია შარანგია შვილის, პატარა ანდრიას ვიდეოს აქვეყნებს და რამდენიმე წლის წინ მომხდარ ამბავს იხსენებს.
"3 წლის წინ ამ დღეს, ანდრიმ თქვა, რომ ეს დღე მისი დაბადების დღეა, არადა ივლისის ულამაზეს დღეს დაიბადა. ღმერთმა 18 აგვისტოს, ის, მეორედ მაჩუქა, მადლობა უფალო, ამ საოცარი ადამიანისთვის, რომლის ამ ქვეყნად მოვლენის ფუფუნება, მე მხვდა წილად! უდიდესი მადლობა ლუკა მურვანიძეს, რომელიც ღმერთის მიერ გამოგზავნილი მხსნელი აღმოჩნდა ჩვენთვის.
მას ცხოვრებაში მუდამ გაუმართლებს, რადგან რისკის ფასად, მე დამიბრუნა შვილი. მადლობა არ დამელევა, ანდრუშა გამორჩეულ მადლობას ეტყვის, როცა დიდი ბიჭი გაიზრდება, დღეს თქვა, მის თავს ვფიცავ – მე მინდა ლუკა მერქვასო. მის შვილს დაარქმევს ალბათ – ლუკას.
რამდენიმე დღის წინ ლუკას და ლორენა ბუავას გაუჩნდათ პატარა ანგელოზი. ჩემი მუდმივი ჩუმი ლოცვა ოდნავ მაინც მონაწილე გახდეს ამ ანგელოზის კეთილდღეობაში, გილოცავთ“, – წერს თათია შარანგია.