"ჩვეულებრივი შაბათი დღე რუსეთმა ტკივილის დღედ გახადა" - ოკუპანტებმა ჩერნიგოვს ბალისტიკური რაკეტით შეუტიეს: გარდაცვლილია 6 წლის ბავშვი, დაშავებულია 120-მდე ადამიანი
უკრაინაში, ჩერნიგოვზე თავდასხმის შედეგად დაშავებულთა რიცხვი 117-მდე გაიზარდა. ბოლო მონაცემებით დაღუპულია 7 ადამიანი, მათგან ერთ-ერთი 6 წლის ბავშვია.
უკრაინის შინაგან საქმეთა სამინისტროს განცხადებით, დაშავებულთა შორია 12 ბავშვია.
შეგახსენებთ, რომ რუსულმა არმიამ ბალისტიკური რაკეტით ჩერნიგოვის ცენტრს შაბათს დაარტყა. შემთხვევას უკრაინის პრეზიდენტი, ვოლოდიმირ ზელენსკი გამოეხმაურა:
"მოედანი, პოლიტექნიკური, თეატრი. ჩვეულებრივი შაბათის დღე, რომელიც რუსეთმა ტკივილის და დანაკარგების დღედ გახადა. სამძიმარს ვუცხადებ დაღუპულების ახლობლებს”, - დაწერა მან და დასძინა, რომ გააგრძელებს მუშაობას რუსული ტერორის წინააღმდეგ მსოფლიოს კონსოლიდირებისთვის.