რუსეთში შაურმით 107 ადამიანი მოიწამლა, მათ შორის 23 ბავშვია - მოწამლულთა დაახლოებით ნახევარი ჰოსპიტალიზირებულია
რუსეთის ქალაქ ვლადიმირში შაურმით მოწამლულთა რიცხვი 107 ადამიანამდე გაიზარდა, მათ შორის 23 ბავშვია, მოწამლულთა თითქმის ნახევარი ჰოსპიტალიზირებულია.
ამის შესახებ ვლადიმირის რეგიონის გუბერნატორმა ალექსანდრე ავდეევმა ტელეგრამის არხზე განაცხადა .
მომხდარზე როსპოტრებნადზორის რეგიონალურმა განყოფილებამ სანიტარული და ეპიდემიოლოგიური გამოძიება დაიწყო.
"მოწამულთა ნაწილს სალმონელოზის დიაგნოზი დაუსვეს. ზედამხედველობის უწყებებმა ქალაქში ხუთი პუნქტი გამოავლინეს და დალუქეს, სადაც მომხმარებლები მოიწამნენ" - წერს ავდეევი.