რუსული გამანადგურებელი შავ ზღვაში უკრაინის სადაზვერვო ხომალდს დაესხა თავს
რუსეთის თავდაცვის სამინისტროს მტკიცებით, რუსულმა სამხედრო თვითმფრინავმა შავ ზღვაში უკრაინული სადაზვერვო ხომალდი გაანადგურა. მათივე ინფორმაციით, შემთხვევა გაზის წარმოების ობიექტებთან ახლოს მოხდა.
"დღეს ღამით, შავი ზღვის ფლოტის "სუ-30 სმ“ საზღვაო ავიაციის ეკიპაჟმა გაანადგურა უკრაინის შეიარაღებული ძალების სადაზვერვო კატარღა შავ ზღვაში, რუსული გაზის წარმოების ობიექტების მიდამოში“, - ნათქვამია განცხადებაში.
ჯერჯერობით უცნობია, კონკრეტულად სად მოხდა ინციდენტი. მომხდართან დაკავშირებით კიევს ოფიციალური განცხადება არ გაუკეთებია.