ტოტო კუტუნიო 80 წლის ასაკში გარდაიცვალა

იტალიელი მომღერალი ტოტო კუტუნიო 80 წლის ასაკში გარდაიცვალა.

ამის შესახებ ინფორმაციას იტალიური გამოცემა ANSA მუსიკოსის მენეჯერზე დაყრდნობით ავრცელებს.

მომღერალი მილანში, სან რაფაელეს ჰოსპიტალში გარდაიცვალა. გარდაცვალების მიზეზი ამ მომენტისთვის უცნობია.

მომღერლის მენეჯერის ინფორმაციით, „ჯანმრთელობის პრობლემების გამო, ბოლო თვეებში მომღერლის მდგომარეობა უარესდებოდა“.

7 ივლისს ტოტო კუტუნიოს 80 წელი შეუსრულდა.