"მამაკაცმა მკვლელობა ეჭვიანობის ნიადაგზე ჩაიდინა… თავში დაჭრილი ქალი მეზობლების თვალწინ გარდაიცვალა” - ხანდაკში მომხდარი მკვლელობის დეტალები

დღეს შუადღისით, დაახლოებით 3 საათზე კასპის მუნიციპალიტეტის სოფელ ქვემო ხანდაკში 70 წლის თამაზ სიმონიშვილმა 65 წლის ცოლი მოკლა. თავში დაჭრილი ქალი მეზობლების თვლაწინ გარდაიცვალა.

• მამაკაცმა მეუღლეს სასიკვდილო ჭრილობები ცივი იარაღით - დანით თავის არეში მიაყენა. ხმაურზე შესულ მეზობლებს სისხლის გუბეში მწოლიარე ქალი ცოცხალი დახვდათ, თუმცა მძიმედ დაჭრილის გადარჩენა ვერ მოხერხდა. ამოღებულია მკვლელობის იარაღიც.

როგორც მეზობლები ჰყვებიან, მკვლელობას წინ ცხარე კამათი უძღოდა. ერთ-ერთი ადგილობრივის თქმით, აფექტში მყოფმა მამაკაცმა მკვლელობა ეჭვიანობის ნიადაგზე ჩაიდინა.

70 წლის თამაზ სიმონიშვილს გაქცევა არც უცდია, ის სამართალდამცველებს შინ დახვდა და ჩაბარდა. მამაკაცს ბრალი 109-ე მუხლით (განზრახ მკვლელობა დამამძიმებელ გარემოებებში) აქვს წაყენებული, ბრალდებული წინასწარი დაკავების იზოლატორში იმყოფება და მის მიმართ აღკვეთის ღონისძიების საკითხზე გორის რაიონული სასამართლო ხვალ იმსჯელებს.